2 SAMUEL 20:1 - BIBEL JAMITA NA DENGGAN

¹ Di kota Gilgal adong ma sada bayo panggaori si Seba goarna. Anak ni si Bikri do i sian Marga Benyamin. Dompak na ro angka na mangudurkon si Daud, dipalu si Seba ma sarune jana manggora-gora ma ia, “Nada adong parsambunganta dohot si Daud. Tu ahanta ma mangihutkon ia? Jo hamu halak Israel, beta mulak be hita!”

2 SAMUEL 20:1 ပူးပေါင်းရင်းမြစ်များ

PAMUNGKAAN 46:21

Si Benyamin; dakdanaknia: Si Bela, si Beker, si Asbel, si Gera, si Naaman, si Ehi, si Ros, si Mupim, si Hupim dohot si Ared.

2 SAMUEL 15:10

Tapi painte so i na dung disuru ia humani do angka suruannia tu sude marga ni Israel maroban tona, “Muda dibege hamu sora ni sarune, pio-pio ma hamu mandok, ‘Madung gabe raja si Absalom di Hebron!’ ”

2 SAMUEL 16:11

Dung i didok si Daud dope tu si Abisai dohot tu sude naposonia i, “Salang anakku sandiri giot mamunu au do; biasi pola longang hamu marnida pangalaho ni halak Benyamin on? Tuhan do marsurusa mamurai hara ni i ulang hahua hamu ia jana padiar ma songon i mamurai ia.

2 SAMUEL 16:7

Diburai si Simei ma ia, didok ma, “Morot! Morot ho! Sibunu jolma! Parjahat!

2 SAMUEL 18:17

Dung i diangkat ma bangke ni si Absalom i jana diambungkon ma tu bagasan sumur na bagas di harangan i. Ditimbun halahi ma sumur i dohot batu lopus gincat. Maporus ma sude tentara ni Israel tu bagasna be.

2 SAMUEL 20:2

Dung i markehean be ma antong halak Israel i manadingkon si Daud jana diihutkon halahi si Seba. Tapi anggo halak Juda tongtong do burju mangudurkon si Daud sian Batang aek Jordan lopus tu Jerusalem.

2 SAMUEL 20:22

Dung i kehe ma ia jana dipalalu ia ma maksudnia i tu halak kota i. Dung i diponggolkon halahi ma ulu ni si Seba i jana didanggurkon tu si Joab. Dung i diombus si Joab ma sarune, jana kehe ma parangannia i manadingkon kota i mulak tu ingananna be. Kehe ma si Joab mulak tu Jerusalem mangadop tu raja i.

2 SAMUEL 23:6

Tapi anggo na so mangoloi Tuhan tu duri na nisampakkon do i nipasuman. Nada tarjama tangan halahi,

1 RAJA-RAJA 12:16

Disi diida rayat i na so ra raja i manangihon na nidok ni halahi, marsurak ma halahi, “Pardulinta i si Daud dohot pomparanna i! So na adong dibaen i tu hita sanga na aha. Beta, mulak hita, halak Israel on! Tapadiar ma si Rehabeam mangurus dirina sandiri!” Gabe mangalo ma halak Israel

1 RAJA-RAJA 21:10

Suru hamu ma dua halak na jahat juguk di jolonia jana ditudu ma ia na mamurai Debata dohot raja. Dung i oban hamu ma ia tu balian ni kota jana nidangguran ma ia dohot batu lopus mate.”

2 JUJUR TAON 10:16

Di na niida ni rayat i bahaso na so ra do raja i manangihon, marsurak ma halahi, “Pardulinta i si Daud i dohot pomparanna i! So jungada bagi aha dibaen i tu hita. Tole, halak Israel, beta hita mulak! Padiar ma diurus si Rehabeam i dirina!” Jadi gabe mulak ma rayat ni Israel,

2 JUJUR TAON 10:6

Jadi dipangido si Rehabeam ma sipaingot sian angka na tobang-tobang na dung jungada gabe panuturi ni si Salomo amangnia i, “Bia do baenonku alus tu angka jolma i? Aha do sipaingot sian hamu?” ning ia.

MASMUR 17:13

Jongjong ma Ho Tuhan, alo jana taluhon ma musungku, palua au sian parjahat hara ni podangMu.

MASMUR 34:19

Halak na burju, manaon bahat na hancit, tapi dipalua Tuhan do ia sian i sudena.

PODA 25:8

Ulang iba mopop maroban parkaro tu pangadilan; harana, muda tardapot do iba muse sala aha dope he na bolas baenonniba?

PODA 26:21

Songon arang dohot soban mambaen api torus gara; songon i ma halak na sai tagi martongkar, mambaen panas na masa.

MARKUS 3:24

Muda so adong hasadaon di sada harajaan, sai marbadai rayat sama rayat disi, na giot maronco ma harajaan i.

LUKAS 19:14

Tapi goyak ma roha ni halak luat i tusia jana dung kehe ia, disuru halahi ma suruan tusia laho paboahon, ‘Nada ra hami anggo bayo on do gabe rajanami.’

LUKAS 19:27

Jana oban hamu ma tuson angka musungku na so ra manjagit au gabe raja ni halahi. Sambol hamu ma halahi di jolongku!’ ”

JOHANNES 13:8

Didok si Petrus ma, “Ulang Tuhan. Bagi na bia pe nada tola ho mamasu patkon!” Tapi didok Jesus ma tusia, “Anggo so Hubasu do patmon, nada tola be ho gabe siseanKu.”

PANGARATAION 13:13

mandok adong piga-piga halak na jahat sian bangsomunu na mangaliluhon halak pangisi ni hutana i laho marsomba angka debata na so nisombamunu hian dope na saidanna i.

HAKIM-HAKIM 19:22

Dompak marsonang-sonang halahi, tompu ma dihobuk angka jolma na so ture na di kota i bagas i. Diburbari halahi ma pintu ni bagas i jana didok halahi ma tu na tobang-tobang i, “Pasahat tu hami bayo na niobanmi martamu tu bagasmi. Giot pakeonnami ia!”

HAKIM-HAKIM 3:27

Disi lalu ia tu partoran Efraim, dipalu ia ma sarune laho marpio halak Israel marporang. Marroan ma halahi jana dipimpin ia ma halahi manuat sian partoran i.

RUT 2:3

Jadi kehe ma si Rut manjomputi burir-burir na nipardekdekkon ni angka na markarejo di ladang i. Topet muse ma ia kehe tu ladang ni si Boas.

1 SAMUEL 13:2

dipili ia ma tolu ribu halak, jana dua ribu ma i tinggal dohot ia di Mikmas dohot di luat partoran Betel, anggo na saribu nari kehe ma i dohot si Jonatan anaknia i tu Gibea, na di luat ni Marga Benyamin. Rayat lobina i dipaloas ia ma mulak tu bagasna be.

1 SAMUEL 2:12

Na jahat situtu do angka anak ni si Eli. Nada diantureskon halahi Tuhan,

1 SAMUEL 30:22

Tapi sian tonga-tonga ni parangan ni si Daud i na dohot mangihutkon ia adong do na jahat jana na mangiburu. Didok halahi, “So na dohot angka jolma on, jadi nada tola halahi manjagit sanga aha sian barang na hona rampas on. Hum anak ni halahi sajo ma dohot dadaboru ni halahi na tola buaton ni halahi.”