2 SAMUEL 2:9 - BIBEL JAMITA NA DENGGAN

⁹ Diparaja si Abner ma si Isboset di angka luat ni Gilead, Asuri, Jisreel, Efraim dohot Benyamin, maradu sude Israel.

2 SAMUEL 2:9 ပူးပေါင်းရင်းမြစ်များ

PAMUNGKAAN 30:13

jana didok si Lea ma, “Na martua ma da au antong.” Jadi gabe dibaen ia ma goar ni dakdanak i, si Aser.

2 SAMUEL 2:10

Marumur opat pulu taon ma si Isboset di na dibaen ia gabe raja di Israel, jana dua taon ia mamarenta. Tapi anggo Marga Juda tongtong do mangihut tu si Daud,

2 SAMUEL 3:6

Di hatiha na sai torus mardalan porang i antara ni parangan ni si Daud dohot parangan na burju tu horong ni si Saul, marusaho ma si Abner anso ditangihon hatania di tonga-tonga ni na mamihak tu si Saul.

MASMUR 108:8

Au do nampuna Gilead dohot Manase, Efraim ma tumpalKu jana Juda tungkot harajaonKu muse.

JOSUA 16:5

Dipajojor muse dison angka batas ni tano na dilehen tu angka marga na sian horong Efraim. Sabola Habincaran, mamungka ma batas ni tano ni halahi sian Atarot Adar lopus tu Bet-Horon-Julu,

JOSUA 16:8

Sabola Hasundutan, mamungka garis batas ni Efraim i sian Tapuah lalu tu anak ni Batang aek Kana, lalu marujung di Laut Tonga. I ma tano na dilehen tu angka marga na sian horong Efraim baen bagian ni halahi,

JOSUA 16:9

dohot piga-piga kota maradu angka luat na adong di tano ni Manase.

JOSUA 17:1

Deba sian luat na di Hasundutan ni Batang aek Jordan dilehen tu sabagian marga-marga pomparan ni si Manase anak siangkaan ni si Josep. Si Makir ama ni si Gilead, ia ma anak siangkaan ni si Manase, na malo do ia marporang gabe dilehen ma disia Luat Gilead dohot Basan na di Habincaran ni Batang aek Jordan.

JOSUA 18:11

Bagian na parjolo, i ma tano baen di angka ripe na sian Marga Benyamin. Antara ni tano ni Marga Juda dohot tano ni marga sian pomparan ni si Josep do bagian ni halahi.

JOSUA 18:20

Batang aek Jordan na gabe batas ni tano i anggo sabola Habincaran. Songon i ma batas-batas ni tano na dilehen tu angka ripe sian Marga Benyamin.

JOSUA 19:18

Na masuk tu luat ni halahi: Jisreel, Kesulot, Sunem,

JOSUA 22:9

Jadi mulak ma Marga Ruben, Gad dohot Marga Manase Parhabincaran tu tano ni halahi. Ditadingkon halahi ma halak Israel na asing i di Silo na di tano Kanaan, lalu kehe ma halahi tu tano ni halahi sandiri, i ma tano Gilead. Hara ni parenta ni Tuhan markite-hite si Musa do diingani halahi tano i.

HAKIM-HAKIM 1:32

I ma dalanna umbaen laing na rap sainganan halak Kanaan na di kota i rap dohot halak Aser.

1 SAMUEL 29:1

Dipalagut halak Pilistin ma sude tentarana di Afek, jana halak Israel marbandar di lambung ni mual na di Rura Jisreel.