2 SAMUEL 2:7 - BIBEL JAMITA NA DENGGAN

⁷ Sai gabe angka jolma na gogo-gogo ma hamu jana na togap mangalo. Madung marujung ngolu ni si Saul rajamunu i, jana madung dimiahi halak Juda au gabe raja ni halahi.”

2 SAMUEL 2:7 ပူးပေါင်းရင်းမြစ်များ

PAMUNGKAAN 15:1

Dung i dijagit si Abram ma sada halumbaan, jana dibege ia ma Tuhan mandok tusia, “Ulang ho mabiar Abram, Au do mangondingi ho sian parmaraan, jana lehenonKu ma tu ho upa bahat.”

2 SAMUEL 10:12

Papir ma rohamu! Dison ma tapatuduhon habaranion manghopkop bangsonta dohot manghopkop angka kota ni Debatanta. Sai dipatulus Tuhan ma sanga aha giot ni rohaNia.”

2 SAMUEL 2:6

Antong, sai dipatuduhon Tuhan ma holong ni rohaNa na manongtong i tu hamu. Au pe sai na denggan do baenonku tu hamu hara ni pambaenanmunu i.

2 SAMUEL 2:8

Anggo si Abner anak ni si Ner, i ma panglima ni tentara ni si Saul i madung maporus dohot si Isboset anak ni si Saul tu Mahanaim.

2 SAMUEL 5:3

Mambaen janji ma si Daud dohot sude hatobangon ni Israel i na ro mandapotkon ia, jana dimiahi halahi ma ia gabe raja ni Israel.

2 RAJA-RAJA 11:12

Dung i dioban si Joyada ma si Joas tu ruar, mamake tuku di uluna i, jana dilehen ia tu si Joas tona ni Debata. Diangkat ma si Joas gabe raja jana dibaen ma boa-boana tu rayat. Martopapi ma rayat jana marsurahi, “Horas ma di raja i!”

NEHEMIA 2:18

Lalu hucaritohon ma tu halahi sanga na bia dibaen Debata mangurupi au dohot na nidok ni raja i tu au. Dialusi halahi ma, “Tole ma da tapungka mambangun!” Lalu marhobas-hobas ma halahi laho mangkarejohon.

1 KORINTUS 16:13

Antong jonggor ma hamu jana togu ma haporsayaanmunu. Angkon barani do hamu martindak jana sai margogo ma hamu.

EPESUS 6:10

Ujungna, sai margogo ma hamu markite-hite gogo na nijagitmunu sian kuaso ni Tuhan, angke madung sada hamu dohot Tuhan i.

1 SAMUEL 31:12

kehe ma angka jolma na umpuluk sian i jana mardalan ma halahi saborngin i tu Bet-Sean. Dipaijur halahi ma bangke ni si Saul dohot bangke ni angka anaknia sian tembok ni kota i lalu dioban halahi ma i tu Jabes jana ditutung ma i.

1 SAMUEL 31:7

Jadi dung dibege angka halak Israel na maringanan di bariba ni Rura Jisreel dohot na di Habincaran ni Batang aek Jordan na maporus palua dirina tentara ni Israel, jana si Saul pe dohot angka anaknia madung mate, markehean ma halahi manadingkon kotana lalu maporus muse. Dung i marroan ma halak Pilistin tu angka kota i jana diingani halahi ma i.

1 SAMUEL 4:9

Papir hamu ma rohamunu, ale halak Pilistin! Marporang ma hamu, anggo inda, na giot gabe hatoban ni halak Ibrani i noma hamu, songon halahi najolo na gabe hatoban. Antong marporang ma hamu songon halaklahi!”