2 SAMUEL 2:5 - BIBEL JAMITA NA DENGGAN

⁵ disuru ia ma tusi maroban tona na mandok, “Sai dipasupasu Tuhan ma hamu, dibaen dipatuduhon hamu do na burju hamu tu rajamunu i marhite na mananom bangkena.

2 SAMUEL 2:5 ပူးပေါင်းရင်းမြစ်များ

PAMUNGKAAN 14:19

dipasupasu ia ma si Abram jana ning ia ma, “Sai dipasupasu Debata Na Gumincat i ma si Abram!

PAMUNGKAAN 14:22

Dialusi si Abram ma, “Husumpahon ma di jolo ni Debata Na Gumincat i, na manompa langit dohot tano,

2 SAMUEL 15:20

Nada sadia lolot dope ho dung dison, nada patut giot suruonku ho dohot mimbarimbar rap dohot hami. Au sandiri nada huboto dope sanga na giot tu dia au kehe. Mulak ma hamu jana oban ma sude angka donganmu sabangso i – sai holong nian roha ni Tuhan tu ho jana sai ibo do rohaNia tu ho.”

2 SAMUEL 21:12

kehe ma ia mambuat holi-holi ni si Saul dohot si Jonatan sian halak Jabes na di Gilead. (Na ditangko ni halahi do holi-holi i sian alaman godang ni kota na di Bet-San, disi do inganan panggantungan ni angka bangke i hian dibaen halak Pilistin dung talu si Saul dibaen halahi di Dolok Gilboa.)

MASMUR 115:15

Sai dipasupasu Tuhan ma hamu nian, sitompa langit dohot tano on!

JOSUA 2:14

Jadi didok bayo sidua halak i ma tusia, “Marjanji ma hami, muda lehenon ni Tuhan luat on tu hami, denggan do baenonnami tu hamu asal ma nada dipaboa ho sanga na tu ise pe taringot tu hami. Sai mate ma hami, muda nada hami patulus janjinami on.”

HAKIM-HAKIM 21:8

Jadi gabe ditangkasi halahi ma betak adong sada golongan sian marga ni Israel na so dohot kehe na marlagut i di Mispa. Jana tardapot ma di halahi bahaso na so adong muse sahalak na kehe tu Mispa sian angka halak Jabes na di Gilead.

RUT 1:8

didok si Naomi ma tu parumaennia na dua i, “Mulak ma da hamu tu bagas ni inanta hamu. Sai burju ma Tuhan tu hamu songon haburjuonmunu tu au dohot tu angka mandiang i.

RUT 2:20

“Laing hita na sakahanggi do da i,” ning si Naomi. “Ia ma sada sian tonga-tonga ni kahangginta na angkon martanggung jawab salaho tu hita.” Laing didok si Naomi muse dope, “Sai dipasupasu Tuhan ma da si Boas. Tutu nian, sai na nipatulus ni Tuhan do janjiNa – tu angka halak na mangolu dope bope tu halahi angka na dung monding.”

RUT 3:10

“Dipasupasu Tuhan do ho Rut,” ninna si Boas. “Saonnari tumangkas dope holong ni rohamu tu kahanggimu ulang pado na dung nibaenmu tu namborumi. Na tola do ho manjalahi halaklahimu na poso sian tonga-tonga ni na kayo sanga na pogos, hape nada songon i dibaen ho.

1 SAMUEL 11:1

Dung i ro ma si Nahas, raja ni Amon, diarahon ia ma tentarania manghobuk kota Jabes na di tano Gilead. Dipalalu halak Jabes ma usul songon i tu si Nahas, “Baen ma parjanjian dohot hami, jadi gabe tunduk ma hami tu ho.”

1 SAMUEL 11:9

Dung i dipabotohon ma tu utusan na sian Jabes songon on, “Paboa ma tu halak Jabes, ancogot painte so kotu, manjagit pangurupi ma halahi.” Di na nijagit ni halak Jabes tona i, sun ma moga ni halahi.

1 SAMUEL 15:13

Di na marsuo si Samuel dohot si Saul, didok si Saul ma tusia, “Sai dipasupasu Tuhan ma ho amang! Madung hupatulus parenta ni Tuhan i.”

1 SAMUEL 23:21

Dialusi si Saul ma, “Sai dipasupasu Tuhan ma hamu hara ni burjumunu tu au!

1 SAMUEL 24:19

Madung dipatidahon di ari sadarion na denggan do hape rohamu tu au, angke nada dibunu ho au haru pe na dung dipasahat Tuhan au tu tanganmu.