2 SAMUEL 2:27 - BIBEL JAMITA NA DENGGAN

²⁷ Dialusi si Joab ma, “Mangasahon Debata na mangolu i, sugari ma tibu ho mangkuling nangkin, tontu mulai sian na sogot madung tarik diri angka rayat i mangkojar angka kahanggina i.”

2 SAMUEL 2:27 ပူးပေါင်းရင်းမြစ်များ

2 SAMUEL 2:14

Dung i didok si Abner ma tu si Joab, “Tole, tasuru ma angka parangan i marporang!” “Denggan,” ning si Joab mangalusi.

2 SAMUEL 2:26

Sian i pio-pio ma si Abner tu si Joab, “Angkon torus noma lakna hita marporang sapanjangna? Na so diboto ho dehe hum na paet do na nioban ni porang on? Kahanggimu, sabangso do hita. Sadia honok nari painteonmu anso ra ho mamarentahon parangan i anso mantak mangkojar hami?”

2 SAMUEL 2:28

Dung i diombus si Joab ma sarune na gabe tanda di parangan i anso mantak mangkojar halak Israel. Jadi mantak ma porang i.

PODA 15:1

Alus na lambok paombun rimas alus na kasar patamba gilap.

PODA 17:14

Songon na mambuka dalan ni aek do na mamungka partongkaran, manigor ma mundur painte so dipungka partongkaran i.

PODA 20:18

Pangido ma sipaingot na denggan, painte so mambaen haputusan; ulang ma niparjuangkon anggo so adong sangkap na torang.

PODA 25:8

Ulang iba mopop maroban parkaro tu pangadilan; harana, muda tardapot do iba muse sala aha dope he na bolas baenonniba?

JESAYA 47:7

Di mulana diambang ho salolot-lolotna gabe ratu ho. Hape rohamu nada mangastui sanga bia ujungna di pudi.

1 SAMUEL 25:26

Madung diantahi Debata palalu hosom tuan i dohot mamunu angka musu ni tuan i. Jana saonnari ale tuan, husumpahon ma mangasahon Tuhan na mangolu i, sai songon bagian ni angka musu ni tuan i ma dohot bagian ni sude na sai giot mangagohon ngolu ni tuan i ma bagian ni si Nabal.