2 SAMUEL 2:26 - BIBEL JAMITA NA DENGGAN

²⁶ Sian i pio-pio ma si Abner tu si Joab, “Angkon torus noma lakna hita marporang sapanjangna? Na so diboto ho dehe hum na paet do na nioban ni porang on? Kahanggimu, sabangso do hita. Sadia honok nari painteonmu anso ra ho mamarentahon parangan i anso mantak mangkojar hami?”

2 SAMUEL 2:26 ပူးပေါင်းရင်းမြစ်များ

2 SAMUEL 11:25

Didok si Daud ma tu suruan i, “Papos ma roha ni si Joab jana dokkon ma tusia anso ulang pola lebak dihilala ia, angke na so tardok hian do sanga ise na giot mate anggo di bagasan parporangan. Dokkon ma tusia anso dipadalan ia paraloan na gumogo dope maradopkon kota i lopus tunduk kota i.”

2 SAMUEL 2:14

Dung i didok si Abner ma tu si Joab, “Tole, tasuru ma angka parangan i marporang!” “Denggan,” ning si Joab mangalusi.

2 SAMUEL 2:16

Marsitarik obuk ni alona be, lalu marsitiham butuha ni alona be, gabe rap mate ma halahi. Jadi gabe digoari ma inganan na di Gibeon i “Ladang Podang”.

2 SAMUEL 2:25

Mardomu muse ma disi dohot si Abner angka halak na sian Marga Benyamin, jana diatur halahi muse ma parangan ni halahi di sada tor.

2 SAMUEL 2:27

Dialusi si Joab ma, “Mangasahon Debata na mangolu i, sugari ma tibu ho mangkuling nangkin, tontu mulai sian na sogot madung tarik diri angka rayat i mangkojar angka kahanggina i.”

MASMUR 4:2

Hamu ale angka jolma, sadia honok nari hamu palayas hamuliaonKu? Olat ni andigan sai mangkojar na soada, dohot mangkaholongi na so marguna?

PODA 17:14

Songon na mambuka dalan ni aek do na mamungka partongkaran, manigor ma mundur painte so dipungka partongkaran i.

JESAYA 1:20

Tapi muda mangalo do hamu tu Au, pasti mate noma hamu. Au, Tuhan madung mandok i.”

JEREMIA 12:12

Sian ipar ni padang halongonan di dolok, marroan angka jolma laho manyamun. Huparo porang laho manyegohon sandok luat i lopus nada adong sahalak pe tarbaen mangolu di bagasan dame.

JEREMIA 2:30

Nada marguna hamu Hubaen hona uhum, angke na so targorahon do hamu. Songon singa na mangamuk, songon i ma hamu mamatehon angka panurirangmunu.

JEREMIA 4:21

Sadia honok nari paida-idaonku angka mandera ni porang i, dohot sora ni angka sarune?

JEREMIA 46:10

On ma ari ni Tuhan Debata Na Markuaso i; anggo di ari on mambaen pamaloson ma Tuhan Debata Na Markuaso i tu sude angka musuNia. Panganon ni podangNia ma halahi lopus butong, jana inumonna mudar ni halahi lopus sombu. Di ari on disambol ma angka haul di Utara di topi ni Batang aek Efrat i.

JEREMIA 46:14

“Di angka kota ni Mesir, i ma di Memphis, Migdol dohot di Tahpanhes, pabotohon ma barita on, ‘Markobas ma hamu laho martahan, angke sude sinadonganmunu abiskonon noma i di parporangan!

HOSEA 11:6

Mangararati ma parporangan lopus tu angka kota ni halahi, bungkaron ma angka pintu horbangan jana abiskononna ma bangsongKi. Patunda ni na paihut-ihut giotna sandiri ma umbaen na tarjadi sudena i;

BAENON NI ANGKA RASUL 7:26

Ancogotna i diida ia muse ma marbadai dua halak Israel, dicubo ia muse ma padamehon halahi. Didok ia ma, ‘Hamu dongan, na markahamaranggi do da hamu. Biasi marbadai hamu?’ ning ia.