2 SAMUEL 2:19 - BIBEL JAMITA NA DENGGAN

¹⁹ Jadi gabe dikojar ia ma si Abner, nada manyimbil tu siamun sanga tu siambirang.

2 SAMUEL 2:19 ပူးပေါင်းရင်းမြစ်များ

2 SAMUEL 2:18

Disi do anak ni si Zeruya na tolu i, i ma si Joab, si Abisai dohot si Asael. Parlojong ni si Asael songon hipas ni hije.

2 SAMUEL 2:20

Manaili ma si Abner tu pudi jana disapai ia ma, “Ho do si Asael i?” “Au ma da i,” ning ia mangalusi.

2 SAMUEL 2:21

“Ulang kojar au!” ninna si Abner. “Parajurit i ma da kojar sada jana buatkon sinjatana i!” Tapi torus ma si Asael mangkojar ia.

2 SAMUEL 3:27

Disi lalu si Abner di Hebron, dipiohon si Joab ma ia tu lambungnia, tu lambung ni pintu horbangan i tarsongon na giot mangkobari sada rahasia. Dung i ditiham si Joab ma butuha ni si Abner i lalu mate. Songon i ma si Abner hona bunu dibaen si Joab laho mambaloskon pamunuon tu si Asael angginia i.

2 SAMUEL 3:30

Songon i ma dibaen si Joab dohot anggina si Abisai palalu hosomna tu si Abner hara ni na nibununia si Asael anggi ni halahi i di parporangan na di Gibeon.

2 RAJA-RAJA 22:2

Dipatupa si Josia do na pasonangkon roha ni Tuhan; tiruan ni ompuna Raja Daud do diihutkon ia, jana dioloi ia do sude tona ni Debata sasingkopna.

PODA 4:27

Padao ma na jahat, jana tigor ma ho mangolu. Ulang jabat ho manyirpang sian dalan na tigor.

JOSUA 1:7

Hum on do, sai marpos ni roha ma ho jana togu. Ingot ma ho laho mangoloi sadenggan-dengganna sandok uhum na nilehen ni si Musa naposongKu tu ho. Ulang layas rohamu saotik pe di angka uhum i, anso maruntung ho sanga tudia pe ho kehe.

JOSUA 23:6

Jadi hara ni i, sai parrohahon hamu ma denggan-denggan anso oloi hamu jana dalankon hamu sandok na tarsurat di bagasan Buku Uhum ni si Musa i. Ulang ma layas rohamunu mida deba sian angka uhum i.