2 SAMUEL 2:18 - BIBEL JAMITA NA DENGGAN

¹⁸ Disi do anak ni si Zeruya na tolu i, i ma si Joab, si Abisai dohot si Asael. Parlojong ni si Asael songon hipas ni hije.

2 SAMUEL 2:18 ပူးပေါင်းရင်းမြစ်များ

2 SAMUEL 1:23

Si Saul dohot si Jonatan na dihaholongan jana na lambok, sai marsada do i di hangoluan bope di hamatean; humipas do halahi sian unggas rajawali, gumogo sian singa na gogo halahi.

2 SAMUEL 14:1

Diboto si Joab anak ni si Zeruya do na lungun sajo roha ni si Daud tu si Absalom,

2 SAMUEL 2:19

Jadi gabe dikojar ia ma si Abner, nada manyimbil tu siamun sanga tu siambirang.

2 SAMUEL 22:34

Songon pat ni ursa dibaen Ia togu patku, gabe sonang di partoran pardalananku.

2 SAMUEL 23:24

Angka on ma anggota ni “Tridasawira” i na deba nari: Si Asael, anggi ni si Joab; si Elhanan anak ni si Dido na sian Betlehem.

1 RAJA-RAJA 2:5

“Adong sada nari! Tontu diingot ho dope na nibaen ni si Joab tu au di na nibununia dua kapala ni tentara ni Israel, i ma si Abner anak ni si Ner dohot si Amasa anak ni si Jeter. Dibunu ia halahi di hatiha dame, mambaloskon pamunuon na nibaen ni halahi hatiha porang. Dibunu ia do halak na so marsala, gabe au do manaon na hancit hara ni pambaenan ni halahi.

1 JUJUR TAON 11:26

Na mangihut on, i ma angka perwira na tarbonggal deba nari: Si Asael anggi ni si Joab Si Elhanan anak ni si Dodo na sian Betlehem Si Samot halak Harod Si Heles halak Peloni Si Ira anak ni si Ikes halak Tekoa Si Abieser halak Anatot Si Sibkai halak Husa Si Ilai halak Ahohi Si Maharai halak Netofa, Heled anak ni Baana halak Netofa Si Itai anak ni si Ribai halak Gibea na di Luat Benyamin Si Benaya halak Piraton Si Hurai na sian luat lombang Gaas Si Abiel halak Araba Si Asmawet halak Bahurim Si Elyakba halak Saalbon Si Hasem halak Gison Si Jonatan anak ni si Sage halak Harari Si Elifal anak ni si Ur Si Hefer halak Makerati Si Ahia halak Peloni Si Hesro halak Karmel Si Naarai anak ni si Esbai Si Joel anggi ni si Natan Si Mibhar anak ni si Hagri Si Zelek halak Amon Si Naharai halak Beerot, sioban sinjata ni si Joab Si Ira dohot si Gerab halak Jetri Si Uria halak Het Si Zabad anak ni si Ahlai Si Adina anak ni si Sisa (sada sian angka pangituai ni Marga Ruben na marpasukan tolu pulu halak) Si Hanan anak ni si Maaka Si Josafat halak Mitni Si Usia halak Astarot Si Sama dohot si Jeiel dakdanak ni si Hotam halak Aroer Si Jediael dohot si Joha dakdanak ni si Simri halak Tisi Si Eliel halak Mahawim Si Jeribai dohot si Josawia dakdanak ni si Elnaam Si Jitma halak Moab Si Eliel, si Obed dohot Jaasiel halak Mesobaya.

1 JUJUR TAON 12:8

Dompak di bagasan benteng na di halongonan si Daud, bahat do angka parporang na tarbarita boti na marpangalaman sian Marga Gad na ro gabe dongan ni si Daud. Angka parporang na malo do halahi mamake parince dohot hujur i, songon singa do idaon puluk-pulukna halahi jana tarsongon ursa lingkasna.

1 JUJUR TAON 12:9

Angka on ma goar ni halahi mangihutkon parjojor ni pangkatna: Si Eser, si Obaja, si Eliab, si Mismana, si Jeremia, si Atai, si Eliael, si Johanan, si Elsabad, si Jeremia, si Makbanai.

MASMUR 18:33

Dipargogoi Ia patku songon pat ni ursa di harangan, gabe sonang ma dalanku di pardolokan.

PARJAMITA 9:11

Adong dope na huida di tano on: Nada sai tongtong parlojong na hipas manghamonangkon parsiaduan, nada sai tongtong halak na gogo manghamonangkon paraloan. Nada sai tongtong halak na marroha dapotan pangomoan. Jana halak na pistar nada sai tongtong dapotan sinadongan. Songon i angka na malo nada sai tongtong tarbonggal. Angke sanga na ise pe bolas jadi do hona bagian sial.

ENDE NA GODANG 2:17

lopus mangombus alogo ni ari manyogot, di na kehe hagolapan dipaorot. Mulak ma, hasudungan, songon ursa jantan, na ro sian luat partoran.

ENDE NA GODANG 8:14

Tibu ma ro tu au, ale haholongan, songon hije sanga anak ni ursa, na di dolok-dolok hatubuan ni angka parmasak.

AMOS 2:14

Na hipas marlojong pe nada tarbaen luncat; mago ma hagogoon ni halak na gogo, jana halak na barani pe nada tarbaen paluahon dirina.

HABAKUK 3:19

Dilehen Ho do di au gogo songon pat ni ursa, patku dipatohong Ho. Dijagohon Ho do au anso sonang, di na mardalani au di partoran.

1 SAMUEL 26:6

Dung i disapai si Daud ma si Ahimelek halak Het i, dohot si Abisai, anggi ni si Joab. (Si Zeruya do inang ni halahi), “Ise do na puluk masuk rap dohot au tu bagasan bandar ni si Saul i?” Dialusi si Abisai ma, “Au ma i!”