2 SAMUEL 19:9 - BIBEL JAMITA NA DENGGAN

⁹ Masa ma parsalisian di tonga-tonga ni sude marga ni Israel. Didok halahi, “Raja Daud do na palua hita sian halak Pilistin dohot na paluahon hita sian angka musu na asing, hape saonnari maporus do ia sian si Absalom jana ditadingkon luat on.

2 SAMUEL 19:9 ပူးပေါင်းရင်းမြစ်များ

2 SAMUEL 15:14

Dung i didok si Daud ma tu sude naposonia na adong di Jerusalem, “Beta mangungsi hita. Sada on noma dalan anso malua hita sian si Absalom. Ro ne ma ia. Ompoti be ma anso ulang sanga dapot ia hita, jana ditaluhon dohot podang, gabe hona bunu lalu sude halak kota on!”

2 SAMUEL 18:17

Dung i diangkat ma bangke ni si Absalom i jana diambungkon ma tu bagasan sumur na bagas di harangan i. Ditimbun halahi ma sumur i dohot batu lopus gincat. Maporus ma sude tentara ni Israel tu bagasna be.

2 SAMUEL 19:10

Tamiahi si Absalom gabe raja, hape ma mate ia di parporangan. Biasi nada adong hum sahalak pe na marusaho maroban mulak Raja Daud?”

2 SAMUEL 19:40

Sude tentara ni Juda dohot satonga tentara ni Israel rap do mangudurkon raja i manaripari batang aek i. Dung i torus ma raja i tu Gilgal jana rap ma si Kimham dohot ia.

2 SAMUEL 22:44

Dipalua Ho do au sian dongan sabangso na durako, dibaen Ho do au gabe parkuaso ni angka bangso. Bangso na so hutanda hian hatiha i, saonnari gabe hatoban di au halahi.

2 SAMUEL 5:20

Dung i kehe ma si Daud tu Baal-Perasim jana disi ma ditaluhon ia pasukan ni Pilistin i. Jana didok ia ma, “Dionjarkon Tuhan do partahanan ni musungku, songon aek magodang na mamburgat sasudena di sada ombas.” Jadi gabe digoari ma inganan i, Baal-Perasim.

MASMUR 18:43

Dipalua Ho au sian bangso na durako, dibaen Ho do au raja ni angka bangso. Bangso na so hutanda nahinan, saonnari madung huparhatoban.

HARURUAR 32:24

Jadi hudok ma tu halahi anso dibukai halahi serena be. Dileheni halahi ma i tu au jana huambungkon ma tu bagasan api jana ruar ma anak ni lombu on!”

1 SAMUEL 17:50

Songon i ma dibaen si Daud manaluhon halak Pilistin i marhite ambalang dohot batu; ditaluhon dohot dibunu ia do halak Pilistin i, so pola mardongan podang.

1 SAMUEL 18:25

jana disuru si Saul ma halahi mandok tu si Daud, songon on, “Hum saratus do sibur-sibur ni halak Pilistin dipangido roha ni raja i songon bolina, i ma na songon palalu hosom tu musu ni raja i.” (On ma sangkap ni si Saul laho pasahatkon si Daud tu halak Pilistin.)

1 SAMUEL 19:5

Ma pola martaru hosa ia di na mamunu si Goliat, jana dilehen Tuhan do hamonangan na godang tu Israel markite-hite ia. Diida amang sandiri do na masa i, jana jop do roha ni amang di hatiha i. Jadi biasi ma saonnari giot pusaon ni amang halak na so marsala i jana giot bunuon ni amang si Daud so adong harana?”