2 SAMUEL 19:43 - BIBEL JAMITA NA DENGGAN

⁴³ Dialusi halak Israel i ma, “Sampulu lompit haknami gumodang di raja i ulang hamu, haru pe dumonok hamu tu raja i. Biasi palayasonmunu hami? Ulang hamu lupa, hami ma parjolo mangusulkon anso dioban raja i mangulahi!” Tapi kumaras dope halak Juda i sian halak Israel jana nada ra halahi talu.

2 SAMUEL 19:43 ပူးပေါင်းရင်းမြစ်များ

2 SAMUEL 19:14

Songon i ma dibaen si Daud umbaen na gabe tarbuat ia roha ni sude halak Juda lopus manongos tona halahi tu raja i, anso mulak mangulahi tu bagas godang rap dohot sude pagawenia.

2 SAMUEL 19:9

Masa ma parsalisian di tonga-tonga ni sude marga ni Israel. Didok halahi, “Raja Daud do na palua hita sian halak Pilistin dohot na paluahon hita sian angka musu na asing, hape saonnari maporus do ia sian si Absalom jana ditadingkon luat on.

2 SAMUEL 20:1

Di kota Gilgal adong ma sada bayo panggaori si Seba goarna. Anak ni si Bikri do i sian Marga Benyamin. Dompak na ro angka na mangudurkon si Daud, dipalu si Seba ma sarune jana manggora-gora ma ia, “Nada adong parsambunganta dohot si Daud. Tu ahanta ma mangihutkon ia? Jo hamu halak Israel, beta mulak be hita!”

2 SAMUEL 20:6

Dung i didok raja i ma tu si Abisai, “Sumusa dope hita baenon ni si Seba ulang pado si Absalom. Antong anggo songon i, oban ma paranganki jana kojar ma si Seba, anso ulang jabat diingani ia angka kota na marbenteng jana malua sian hita.”

2 SAMUEL 5:1

Dung i marroan ma sude hatobangon ni marga ni Israel mandapotkon si Daud di Hebron mandok tusia, “Ale-ale ni raja i do hami on.

1 RAJA-RAJA 12:16

Disi diida rayat i na so ra raja i manangihon na nidok ni halahi, marsurak ma halahi, “Pardulinta i si Daud dohot pomparanna i! So na adong dibaen i tu hita sanga na aha. Beta, mulak hita, halak Israel on! Tapadiar ma si Rehabeam mangurus dirina sandiri!” Gabe mangalo ma halak Israel

PODA 13:10

Mambaen parbadaan do gincat ni roha; tapi na manangihon poda dapotan bisuk do.

PODA 15:1

Alus na lambok paombun rimas alus na kasar patamba gilap.

PODA 17:14

Songon na mambuka dalan ni aek do na mamungka partongkaran, manigor ma mundur painte so dipungka partongkaran i.

PODA 18:19

Kahanggi na dijehehon, ummaol do i dijonoki sian kota na togu, jana partongkaran i ma songon palang ni pintu horbangan ni kota na marbenteng.

SURAT NI SI PAULUS TU PARLAGUTAN ROM 12:21

Ulang ma padiar hamu dirimunu ditaluhon na jat i, tapi taluhon hamu ma hajahatan i markite-hite hadengganan.

GALATIA 5:15

Tapi muda marsisarbutan jana marsipanganan hamu sama hamu, jago ma hamu anso ulang marsipasudean.

GALATIA 5:20

na manyomba gana-ganaan, sihir, parbadaan, parsalisian, mamikirkon diri sandiri, tahi-tahi na jat, pamola-mola,

GALATIA 5:26

Ulang ma hita manjalahi pamujion ni diri na so hasaya, mangalap-alapi bada dohot na marsiiburuan roha, na sada tu na asing.

PILIPPI 2:3

Ulang ma marsibaen di ibana laho manyarihon dirina be sanga laho manggodangkon dirina. Tapi gumonan ma sian toruk ni rohana be, etong hamu ma donganmunu na dumenggan sian hamu sandiri.

JAKOBUS 1:20

Harana nada tarbaen hamuruhon ni jolma mangkarejohon hatigoran ni Debata.

HAKIM-HAKIM 8:1

Didok halak Efraim ma tu si Gideon, “Biasi nada dipio hami di na kehe ho laho mamorangi halak Midian? Aha do dalanna umbaen songon i hami dibaen ho?” Songon i ma diungutkon halahi tu si Gideon.

HAKIM-HAKIM 9:23

Jadi dibaen Tuhan ma parbadaan antara ni si Abimelek dohot angka halak Sikem, gabe mangalo halahi tusia.