2 SAMUEL 19:39 - BIBEL JAMITA NA DENGGAN

³⁹ Dung i ditaripari si Daud ma dohot sude parangannia Batang aek Jordan. Dung i diumma si Daud ma si Barsilai jana dipasupasu ia. Dung i mulak ma si Barsilai tu bagasnia.

2 SAMUEL 19:39 ပူးပေါင်းရင်းမြစ်များ

PAMUNGKAAN 14:19

dipasupasu ia ma si Abram jana ning ia ma, “Sai dipasupasu Debata Na Gumincat i ma si Abram!

PAMUNGKAAN 28:3

Sai dipasupasu Debata Na Gumogo i ma parsaripeonmunu jana dilehen ma di ho hagabean maranak marpahompu ho anso gabe ompu ni bahat bangso ho!

PAMUNGKAAN 31:55

Ancogotna i manyogot dope, diummai si Laban ma angka pahompunia i, dohot borunia i tanda ni parsirangan, jana dipasupasu, lalu kehe ma ia mulak tu inganannia.

PAMUNGKAAN 45:15

Dung i tangis dope ia, dihaol ia ma sude angkangnia i jana diummai ia. Dung i baru ma manghata-hatai halahi dohot ia.

PAMUNGKAAN 47:10

Dung i dipangido si Jakob ma pasupasu di raja i, i ma hata horas-horas, laho marsirang jana kehe ma halahi sian i.

PAMUNGKAAN 47:7

Dioban si Josep muse ma amangnia i laho patandahonsa tu raja i. Dipasupasu si Jakob ma raja i,

2 SAMUEL 13:25

Tapi dialusi raja i ma, “Ulang antong, amang! Angke muda sude hami kehe, gabe susa do ho hara ni hami.” Torus ma disosoi si Absalom, tapi laing hot do nada ra amangnia i dohot. Hum dipartuai ia ma karejo i.

2 SAMUEL 14:33

Dung i kehe ma si Joab mangadop tu Raja Daud jana dipalalu ia ma pangidoan ni si Absalom i. Dung i dipiohon raja i ma si Absalom, jana ro ma antong si Absalom manungkap di adopan ni raja i. Jana dijaluangi raja i muse ma ia marhite na mangummasa.

2 SAMUEL 19:38

Dialusi raja i ma, “Obanonku ma anggo si Kimham jana baenonku do tusia songon giot ni rohami, jana sude pangidoanmi tu au hupatulus do i.”

2 SAMUEL 6:18

Dung sidung sudena i, dipasupasu ia ma halak Israel mangasahon goar ni Tuhan Na Markuaso i,

2 SAMUEL 6:20

Di na mulak si Daud tu bagas godang laho manjalangi isi ni bagasnia, ruar ma si Mikal mandapotkon ia jana didok ma, “Anggo sadari on antong tutu ma na marsangap raja ni Israel i dibaen ia sandiri! Jabat do antong marsaemara ia songon halak na bodo di jolo ni angka hatoban dadaboru dohot angka pagawe bagas godang i!”

1 RAJA-RAJA 19:20

Gabe ditadingkon si Elisa ma angka lombunia i jana dilojong ia ma mangkojar si Elia. Dung dapot, didok si Elisa ma, “Paloas ma au jolo marpaboa tu simatobangku, dung i ihutkononku ma ho.” Dialusi si Elia ma, “Tole ma. Nada hupaksa ho anso dohot.”

BILANGAN 24:25

Ujungna marhobas ma si Bileam giot mulak tu bagasna, si Balak pe mulak muse ma.

LUKAS 2:34

Dipasupasu si Simeon ma halahi jana didok ia tu si Maria inang ni Dakdanak i, “Na dung ditodo Debata do Dakdanak on laho mangarorak dohot pajongjongkon bahat halak Israel. Baen sada tanda na parohon partangkangan,

BAENON NI ANGKA RASUL 20:37

Martangisan ma halahi sude, dihaol halahi ma si Paulus jana diummai halahi laho paborhatkon ia.

1 TESSALONIKA 5:26

Palalu hamu ma tabe tu sude angka dongan markite umma na badia.

RUT 1:14

Dung i tangis ma halahi mangulahi, diumma si Orpa ma namborunia i laho manjalangsa, lalu kehe ma ia mulak. Tapi anggo si Rut nada ra marsirang sian si Naomi.

1 SAMUEL 24:22

Saonnari janjihon ma mangasahon Tuhan paboa na so timpaskononmu pomparanku jana nada sesaonmu goar ni pangisi ni bagasku!”