2 SAMUEL 19:36 - BIBEL JAMITA NA DENGGAN

³⁶ Nada patut au manjagit upa na songon i godangna. Hum manaruhon raja i nada pala saotik nari tu bariba ni Batang aek Jordan on sajo noma lungun ni rohangku.

2 SAMUEL 19:36 ပူးပေါင်းရင်းမြစ်များ

2 SAMUEL 19:35

Ma marumur au salapan pulu taon jana nada adong be na pasonangkon di au. Nada huboto be daina sanga aha na hupangan sanga na huinum i, jana nada hubege be sora ni angka parende. Hum boban sajo noma au di raja i.

2 SAMUEL 19:37

Dung salpu i, paloas ma au rajanami mulak tu bagas dohot marujung di lambung ni kuburan ni simatobangku. Tapi on ma anakku si Kimham. Dipaloas raja i ma ia mangudurkon raja i jana dibaen raja i ma tusia sanga aha na denggan di roha ni raja i.”

MASMUR 90:10

Hum pitu pulu taon do lolot ni ngolunami, lalu salapan pulu taon muda margogo hami. Tapi hum hasusaan dohot hamaolon do na dapot hami, dung salpu ngolu na pendek i, mago ma hami.

PARJAMITA 12:1

Ingot ma Na Manompa ho taran di haposoonmu, painte so dapot angka taon na gok hasusaan. Anggo di hatiha i dokkononmu ma, “Nada martua ngolungku.”

LUKAS 6:38

Lehen hamu ma tu halak na asing, anso laing dilehen Debata muse tu hamu; jagiton ni tanganmunu ma silehen-lehen maruse-use na dung nisuhat di hamu. Angke parsuhatan na nipakemunu tu halak na asing, laing i do parsuhatan na nipake tu hamu.”