2 SAMUEL 19:35 - BIBEL JAMITA NA DENGGAN

³⁵ Ma marumur au salapan pulu taon jana nada adong be na pasonangkon di au. Nada huboto be daina sanga aha na hupangan sanga na huinum i, jana nada hubege be sora ni angka parende. Hum boban sajo noma au di raja i.

2 SAMUEL 19:35 ပူးပေါင်းရင်းမြစ်များ

2 SAMUEL 13:25

Tapi dialusi raja i ma, “Ulang antong, amang! Angke muda sude hami kehe, gabe susa do ho hara ni hami.” Torus ma disosoi si Absalom, tapi laing hot do nada ra amangnia i dohot. Hum dipartuai ia ma karejo i.

2 SAMUEL 15:33

Didok si Daud ma tusia, “Muda dohot do ho, gabe boban ma ho di au.

2 SAMUEL 19:36

Nada patut au manjagit upa na songon i godangna. Hum manaruhon raja i nada pala saotik nari tu bariba ni Batang aek Jordan on sajo noma lungun ni rohangku.

JOB 12:11

Songon dilaniba na sai giot mandai na lambok, laing songon i do pinggolniba sai giot tumangi na nidok.

JOB 6:30

Adong he diambang ho margabus au, nada tarbaen paasing na denggan dohot na jat?

MASMUR 90:10

Hum pitu pulu taon do lolot ni ngolunami, lalu salapan pulu taon muda margogo hami. Tapi hum hasusaan dohot hamaolon do na dapot hami, dung salpu ngolu na pendek i, mago ma hami.

HARURUAR 12:4

Tapi muda otik do bilangan ni halahi na saripe i, mangabiskon sada anak ni biri-biri sanga anak ni hambeng, bolas do rap halahi dohot hombar bagasna mangankon anak ni biri-biri sanga anak ni hambeng mangihutkon bahat ni halahi na mangankon dohot bahat ni juhut na lobas panganon ni ganop halak.

HARURUAR 2:8

“Denggan,” ninna boru ni raja i. Dung i kehe ma bujing-bujing i mangalap inang ni dakdanak i.

PARJAMITA 2:8

Hupalagut do perak dohot sere na dapot au sian angka raja dohot angka luat. Dipasonang angka parende halaklahi dohot dadaboru do rohangku marhite angka ende ni halahi. Adong muse do di au angka boru sipakeonku sanga sadia bahat por ni rohangku.

IBRANI 5:14

Anggo panganon na pir, tu halak na dung magodang do i, harana madung malo ia paasingkon sanga dia na denggan dohot mandok sanga dia na jat.

1 PETRUS 2:3

Tarsurat do di Buku Na Badia i songon on, “Madung dihilala hamu sanga songon dia hadengganan ni Tuhan i.”