2 SAMUEL 19:28 - BIBEL JAMITA NA DENGGAN

²⁸ Na patut do nian mate hona uhum baenon ni raja i sude koum sisolkot ni damang, tapi anggo au madung diisinkon raja i dohot mangan di bagas godang. Anggo saonnari nada puluk be au mangido bagi aha sian raja i.”

2 SAMUEL 19:28 ပူးပေါင်းရင်းမြစ်များ

PAMUNGKAAN 32:10

Nada patut au manjagit sude holong ni roha dohot haburjuon na dung nipatuduhonMi tu au di na kehe au manaripari Batang aek Jordan, nada maroban bagi aha au asing sian tungkotku. Saonnari ro au mangulahi rap dohot na dua rombongan on.

2 SAMUEL 14:17

Pos do rohangku rajanami laing janji ni raja i noma na manjamin haluaanku angke na songon surusuruan ni Debata do raja i na tuk gogo paasingkon na denggan dohot na jat. Sai didongani Tuhan Debata ni raja i ma antong nian raja i!”

2 SAMUEL 14:20

Tapi songon i pe dibaen ia, anso laing salose do pangalaho i dohot denggan. Na bisuk do antong raja i songon surusuruan ni Debata, tarbaen umboto sasude na masa.”

2 SAMUEL 15:26

Tapi anggo na so lomo be antong roha ni Tuhan i tu au, marguru di hagiotNia ma di au.”

2 SAMUEL 16:3

Dung i disapai raja i ma tusia, “Di dia si Mefiboset pahompu ni tuanmi?” “Laing di Jerusalem do ia,” ning si Ziba mangalusi, “harana pos do rohania na giot paulahon ni halak Israel ma saonnari tusia harajaan ni si Saul, ompungnia i.”

2 SAMUEL 19:29

Dialusi raja i ma, “Nada porlu be dokkononmu sanga na aha be. Madung huputuskon do mambagi sandok arta ni si Saul di ho dohot si Ziba.”

2 SAMUEL 9:10

Angkon karejohononmu dohot angka dakdanakmu do tano i baen di pangisi ni bagas ni si Saul tuanmi jana lehen ma pandapotan ni tanona i tu halahi laho manggohi haporluan ni balanjona. Tapi anggo si Mefiboset tongtong noma mangan di bagas godang.” (Adong do lima bolas halak anak ni si Ziba dohot dua pulu halak naposonia.)

2 SAMUEL 9:13

Songon i ma dalanna si Mefiboset na pengkor i patna na dua i gabe maringanan di Jerusalem jana sai tongtong ma ia mangan di bagas godang.

2 RAJA-RAJA 8:3

Dung salpu na pitu taon i mulak ma ia tu Israel. Kehe ma ia mangadop tu raja laho mangidohon anso dipaulak tusia bagas dohot ladangnia humani.

1 SAMUEL 26:16

Nada manjadi ho mandalankon karejomu, Abner! Mangasahon Tuhan na mangolu i, sapatutna do nian dimatehon hamu sude, angke nada dijagohon hamu tuanmunu na nipili ni Tuhan i. Ligi ma! Ma di dia he tombak ni raja i? Ma di dia gendi na di lambung ni ulu ni raja i nangkin?”