2 SAMUEL 19:27 - BIBEL JAMITA NA DENGGAN

²⁷ Dipatubu-tubu ia muse dope hata na so tutu maradopkon au tu raja i. Tapi songon surusuruan ni Debata do raja i. Antong dibaen raja i ma sanga aha na denggan di roha ni raja i.

2 SAMUEL 19:27 ပူးပေါင်းရင်းမြစ်များ

2 SAMUEL 14:17

Pos do rohangku rajanami laing janji ni raja i noma na manjamin haluaanku angke na songon surusuruan ni Debata do raja i na tuk gogo paasingkon na denggan dohot na jat. Sai didongani Tuhan Debata ni raja i ma antong nian raja i!”

2 SAMUEL 14:20

Tapi songon i pe dibaen ia, anso laing salose do pangalaho i dohot denggan. Na bisuk do antong raja i songon surusuruan ni Debata, tarbaen umboto sasude na masa.”

2 SAMUEL 16:3

Dung i disapai raja i ma tusia, “Di dia si Mefiboset pahompu ni tuanmi?” “Laing di Jerusalem do ia,” ning si Ziba mangalusi, “harana pos do rohania na giot paulahon ni halak Israel ma saonnari tusia harajaan ni si Saul, ompungnia i.”

2 SAMUEL 16:4

Dung i didok raja i ma tu si Ziba, “Gabe ho ma nampuna sude sinadongan ni si Mefiboset i.” “Hupatulus ma sude parenta ni raja i,” ning ia mangalusi. “Sai lomo ma nian tongtong roha ni raja i mida au!”

2 SAMUEL 19:17

Adong do saribu halak dongannia halak Benyamin. Jana si Ziba pe, naposo ni keluarga ni si Saul, dohot anaknia na lima bolas halak dohot naposonia ro do tu Batang aek Jordan mandapotkon raja i.

2 SAMUEL 9:13

Songon i ma dalanna si Mefiboset na pengkor i patna na dua i gabe maringanan di Jerusalem jana sai tongtong ma ia mangan di bagas godang.

2 SAMUEL 9:3

Dung i disapai raja i ma, “Adong dope he jolma na mangolu sian bagas ni si Saul? Por rohangku mambaen na denggan tu halahi nian, songon na dung hujanjihon tu Debata.” Dialusi si Ziba ma, “Adong dope sahalak nari anak ni si Jonatan. Na matimpang do i.”

MASMUR 101:5

Halak na mamurai di na buni, pasidungonku noma i. Halak na sombong dohot siginjang roha nada huhagioti.

MASMUR 15:3

na so ra manuhasi donganna, nada dibaen ia na jahat tu ale-alena, jana nada pajatkon goar ni hombar bagasna;

HARURUAR 20:16

Ulang gabe saksi pargabus maradopkon dongan.

JEREMIA 9:4

Angkon jamot do halak maradopkon donganna salang dongan saama pe nada haposan, angke songon si Jakob, laing songon i ma halahi marsipaoto-oto kahanggina. Pahae-pahulu ganop be pasarkon hata manilakoi dohot gabus.

1 SAMUEL 29:9

Dialusi si Akhis ma, “Diboto ho do, na huetong do ho burju songon surusuruan ni Debata. Tapi madung diputuskon angka raja-raja na asing i do na so tola ho kehe marporang rap dohot hami.