2 SAMUEL 19:24 - BIBEL JAMITA NA DENGGAN

²⁴ Ro muse ma dohot si Mefiboset pahompu ni si Saul mangalo-alo raja i. Nada marbasu pat ia nada dicukur ia janggutnia, jana nada dibasu ia pakeannia mamungka sian na kehe Raja Daud manadingkon Jerusalem lopus mulak ia maroban hamonangan.

2 SAMUEL 19:24 ပူးပေါင်းရင်းမြစ်များ

2 SAMUEL 12:20

Jongjong ma si Daud sian lante i, kehe ma ia maridi lalu disuri ia obuknia, lalu margonti pakean. Dung i kehe ma ia maribadat tu Bagas Ni Tuhan. Dung i kehe ma ia mulak tu bagas godang jana dipangido ia ma diparade panganon disi, jana mangan ma ia.

2 SAMUEL 15:30

Dung salpu i, dibuka si Daud ma sipatunia. Manangkok ma ia dohot halahi sude lalu tangis di Dolok Zetun, jana martujung-tujung ulu ni halahi tanda ni arsak ni roha.

2 SAMUEL 16:3

Dung i disapai raja i ma tusia, “Di dia si Mefiboset pahompu ni tuanmi?” “Laing di Jerusalem do ia,” ning si Ziba mangalusi, “harana pos do rohania na giot paulahon ni halak Israel ma saonnari tusia harajaan ni si Saul, ompungnia i.”

2 SAMUEL 9:11

Dialusi si Ziba ma tu raja i, “Hupatulus ma sude na niparentahon ni raja i.” Jadi mangan di bagas godang ma si Mefiboset, songon anak ni raja i sandiri.

1 RAJA-RAJA 2:8

“Taringot tu si Simei anak ni si Gera na sian kota Behurim di Luat Benyamin, adong do tonangku tu ho. Di pardalananku tu Mahanaim, diburai si Simei do au dohot angka hata na jat. Tapi di na marsuo au dohot ia di Batang aek Jordan, husumpahon do tusia hara ni Tuhan na so pola bunuonku ia.

HARURUAR 19:10

jana didok Tuhan ma tusia, “Kehe ma ho manopotkon halahi jana suru ma halahi marhobas sadari on dohot ancogot laho maribadat. Angkon basuon ni halahi do pakeanna be.

JESAYA 15:2

Manangkok ma tu dolok halak Dibon laho mangandungi di inganan pamelean ni angka debata. Di bagasan hancit ni roha andungan ni halak na di Moab ma kota Nebo dohot Medeba. Marcukur ulu ma halahi dohot janggut tanda ni na marhabot ni roha.

JEREMIA 41:5

ro ma salapan pulu halak sian Sikem, Silo dohot Samaria. Madung marcukur janggut halahi, masibak pakean ni halahi, jana digariangi pamatangna. Dioban halahi ma gandum dohot hamonyan sihaulkonon di Bagas Ni Tuhan.

MATEUS 6:16

“Dung i muda puaso hamu, ulang ma markaremut bohimunu songon halak pangalancap. Mardalani ma halahi, gale-gale idaon. Hape anso diboto halak do na puaso halahi. Ingot hamu ma! Madung dijagit halahi do sude upa ni halahi.

SURAT NI SI PAULUS TU PARLAGUTAN ROM 12:15

Marjop ni roha ma hamu dohot angka na marjop ni roha, jana tangis ma hamu dohot angka na tangis.

IBRANI 13:3

Ingot hamu ma angka halak na tarhurung, laing songon na dohot hamu tarhurung rap dohot halahi. Dohot angka na manaon pambaenan na so patut, ingot hamu ma halahi songon na dohot hamu manaonkon na songon i.