2 SAMUEL 19:23 - BIBEL JAMITA NA DENGGAN

²³ Dung i didok raja i ma tu si Simei, “Au ma mandok, na so mate hona uhum ho.”

2 SAMUEL 19:23 ပူးပေါင်းရင်းမြစ်များ

2 SAMUEL 16:10

Tapi didok raja i ma tu si Abisai dohot si Joab angkangna i, “Ulang antoi hamu. Padiar hamu sajo ma ia mamurai au. Harana betak na Tuhan do na marsuru ia ise ma na patut manyapai ia sanga na hara ni aha dibaen ia songon i?”

2 SAMUEL 19:24

Ro muse ma dohot si Mefiboset pahompu ni si Saul mangalo-alo raja i. Nada marbasu pat ia nada dicukur ia janggutnia, jana nada dibasu ia pakeannia mamungka sian na kehe Raja Daud manadingkon Jerusalem lopus mulak ia maroban hamonangan.

1 RAJA-RAJA 2:37

Muda puluk dope ho haruar jana disalpui ho anak ni Batang aek Kidron, angkon bunuon ho, harana hasalaanmu do i.”

1 RAJA-RAJA 2:46

Dung didok ia songon i, dilehen raja i ma parenta tu si Benaya, gabe kehe ma si Benaya mamunu si Simei. Dung songon i gok ma kuaso ni si Salomo di bagasan harajaanna i.

IBRANI 6:16

Harana anggo jolma, marsumpa do i marhite halak na gumodang sian ia. Jadi sumpa i ma hasidungan ni sude parbadaan jana pate ma i di halahi.

1 SAMUEL 11:13

Tapi didok si Saul ma, “Sada halak pe nada tola bunuon di ari sadari on, angke madung dipalua Tuhan Israel di ari sadari on.”

1 SAMUEL 28:10

Dung i disumpahon si Saul ma, didok ia ma, “Mangasahon Tuhan na mangolu i, marjanji au na so hona uhum ho hara ni na mambaen songon on.”

1 SAMUEL 30:15

Dung i disapai si Daud ma tusia, “Ra do ho patuduhon dalan tu au tu inganan ni garombolan i?” Alusnia, “Ra do au, asalkan ma marjanji tuan i mangasahon goar ni Debata, paboa na so bunuon ni tuan i au sanga pasahaton ni tuan i au tu tuanku humani.”