2 SAMUEL 19:21 - BIBEL JAMITA NA DENGGAN

²¹ Umbege i gabe didok si Abisai anak ni si Zeruya i ma, “Anggo si Simei indon patut do nian mate niuhum on, hara ni na mamurai tu raja na nipili ni Tuhan.”

2 SAMUEL 19:21 ပူးပေါင်းရင်းမြစ်များ

2 SAMUEL 16:13

Dung i dipatorus si Daud dohot angka parpangkat i ma pardalananna, jana si Simei pe sarupa do hipas ni pardalannia dohot halahi manopi-nopi dolok i, dipupu ia mamurai dohot mandanggurkon batu dohot tano.

2 SAMUEL 16:5

Di na lalu si Daud di Bahurim, ruar ma sada bayo sian huta i, jana di na mur donok ia, diburai ia ma si Daud. Si Simei goarna anak ni si Gera na sian kahanggi ni si Saul.

2 SAMUEL 16:9

Didok si Abisai anggi ni si Joab, anak ni si Zeruya i ma tu raja i, “Biasi dipadiar raja i anjing na mate i mamurai raja i? Paloas ma au, anso hugotap rungkungna i!”

MASMUR 84:9

Ligi ma parincenami, ale Debata, ligi ma bohi ni na nitodoMu sandiri.

HARURUAR 22:28

Ulang burai hamu Debata jana ulang pasumpahon pamimpin ni bangsomu.

ANDUNG 4:20

Ditangkup halahi raja na nitodo ni Tuhan i, i ma halak na sai hami pangasahon i na mangalehen hangoluan jana maradopkon musu songon pangondian.

1 SAMUEL 24:6

Tapi dung salpu, songon na sala do tu pangkilalaannia dung dibaen ia songon i.

1 SAMUEL 26:9

Tapi didok si Daud ma, “Ulang hahua ia! Pasti do hona uhum baenon ni Tuhan halak na mambaen jahat tu raja na nipiliNia.