2 SAMUEL 19:20 - BIBEL JAMITA NA DENGGAN

²⁰ Madung torang di rohangku, na dung mardosa do au hape, jana hara ni i, sian tonga-tonga ni angka marga na maringanan di Utara au dope na parjolo situtu ro mangalo-alo raja i di ari sadari on.”

2 SAMUEL 19:20 ပူးပေါင်းရင်းမြစ်များ

PAMUNGKAAN 48:14

Tapi dipasuhar si Jakob ma tangannia jana dipayakkon ia ma tangan siamunnia i tu ulu ni si Efraim, jana tangan siambirangnia i dipayakkon ia tu ulu ni si Manase.

PAMUNGKAAN 48:20

Jadi laing dipasupasu ia muse dope dakdanak na dua i laing sadari i, ning ia ma, “Pakeon ni halak Israel ma goarmunu di na mamasumasu sanga ise halahi. Dokkonon ni halahi ma, ‘Sai dibaen Debata ma ho songon si Efraim dohot si Manase.’ ” Jadi anggo si Jakob, si Efraim do dipatujolo ia sian si Manase.

2 SAMUEL 16:5

Di na lalu si Daud di Bahurim, ruar ma sada bayo sian huta i, jana di na mur donok ia, diburai ia ma si Daud. Si Simei goarna anak ni si Gera na sian kahanggi ni si Saul.

2 SAMUEL 19:21

Umbege i gabe didok si Abisai anak ni si Zeruya i ma, “Anggo si Simei indon patut do nian mate niuhum on, hara ni na mamurai tu raja na nipili ni Tuhan.”

2 SAMUEL 19:9

Masa ma parsalisian di tonga-tonga ni sude marga ni Israel. Didok halahi, “Raja Daud do na palua hita sian halak Pilistin dohot na paluahon hita sian angka musu na asing, hape saonnari maporus do ia sian si Absalom jana ditadingkon luat on.

1 RAJA-RAJA 12:20

Di na tarbege tu sude rayat ni Israel bahaso na dung mulak si Jerobeam sian Mesir, diontang halahi ma ia tu sada parpunguan lalu diangkat halahi ma ia disi gabe raja ni Israel. Hum rayat ni Marga Juda sajo noma na tontong mangihut tu pomparan ni si Daud.

1 RAJA-RAJA 12:25

Dung gabe raja ni Israel si Jerobeam, dipatogu ia ma kota Sikem na di luat partoran Efraim, lalu disi ma ia jolo santongkin maringanan. Dung i kehe muse ma ia sian i jana dipatogu ia ma kota Penuel.

JEREMIA 22:23

Sonang hamu tinggal dihaliangi angka tiang sampinur Libanon, tapi sanoli on muda ro na hancit tu hamu, mangae ma hamu songon ina na manubuhon dakdanak.”

HOSEA 5:15

Angkon kehe do Au mulak tu ingananKu, lopus mangoku sala halahi jana manjalahi Au. Di bagasan pardangolan ni halahi gabe malungun halahi tu Au.”

HOSEA 5:3

Hutanda do ho, Efraim jana Huboto do sudena taringot tu ho, angke madung markarosuan ho, ale Israel; jana madung dipahodar ho dirimu.”