2 SAMUEL 19:19 - BIBEL JAMITA NA DENGGAN

¹⁹ “Sugari ulang ma nian tongtong dietong au na marsala. Sai lomo ma roha ni raja i manghalupahon sanga aha na hubaen di ari i dompak na kehe raja i manadingkon Jerusalem.

2 SAMUEL 19:19 ပူးပေါင်းရင်းမြစ်များ

2 SAMUEL 13:20

Disi diida si Absalom ia, disapai ma tusia, “Adong he dibaen si Amnon tu ho na so patut? Tuk ma i da ito, ulang be pikirkon i. Ibotomu do i, jadi ulang paboa-boa pangalaho i sanga na tu ise pe.” Dung i kehe ma si Tamar mamunjung di bagas ni si Absalom, marsak ma ia jana lungunan.

2 SAMUEL 13:33

Jadi ulang porsaya raja i na mate sude anak ni raja i, angke hum sasada si Amnon sajo do na mate.”

2 SAMUEL 19:18

Diurupi halahi ma pangisi ni bagas ni raja i taripar jana dipatulus halahi ma sude hagiotna. Di na laho taripar raja i di batang aek i, manungkap ma si Simei di jolonia mandok,

MASMUR 32:2

Martua ma sanga ise na so nietong ni Tuhan hajahatanna, jana na bulus rohana.

MASMUR 79:8

Ulang ma uhumi hami hara ni dosa ni ompunami. Ompoti ma manghasiani hami, dibaen madung gale hami.

PARJAMITA 10:4

Muda hona muruk ho dibaen raja. Ulang pola pangido maradian markarejo. Haru pe palka hasalaanmu, disesa do i muda tenang ho jana sobar.

JESAYA 43:25

Au, Au do na manyesa dosamu, Huampuni ho, hara ni Au sandiri. Nada ra Au manyimpan dosamu di bagasan rohangKu, hasalaanmu na salpu nada be paingot-ingotonKu.

JEREMIA 31:34

Sahalak pe sian halahi nada porlu be mangajari donganna laho mananda Tuhan. Angke sude halahi, na menek sanga na magodang, tandaonna ma Au. HalupahononKu ma angka hasalaan ni halahi, jana Huampuni angka dosa ni halahi. Au Tuhan, madung mandok songon i.”

BILANGAN 12:11

Didok ia ma tu si Musa, “Urupi hami tuan, ulang paloas hami diparkanciti hara ni dosa na hami baen di bagasan haotoonnami.

MATEUS 27:4

Ning ia ma, “Ma mardosa au, manghianat au tu halak na so marsala gabe didabu uhum mamatehon Ia!” Didok halahi ma mangalusi, “Ahana ma i di hami? Urusanmu do i!”

2 KORINTUS 5:19

Markite-hite Kristus dibaen Debata do lopus mardenggan nian jolma na satano on dohot Debata. Nada dijujur Debata be angka hasalaan na nibaen ni jolma i tuSia, jana hami madung disuru Debata pabolkaskon barita pardengganan i.

1 SAMUEL 22:15

Tutu ma da i na mangido panogu-noguon au tu Debata salaho tusia, tapi nada i be na parjolo hubaen songon i. Salaho tu na mambaen partahian laho mangalo raja i, ulang ale dituhas raja i au sanga pe sian tonga-tonga ni bagasku. Nada hupaboto-boto sanga aha anggo salaho tu pangalaho i!”

1 SAMUEL 25:25

Ulang dipikirkon tuan i si Nabal, jolma na so hasaya i! Jolma na bodo i – laing songon goarna i. Na so huida do angka utusan na nisuru ni tuan i.

1 SAMUEL 26:21

Dung i dialusi si Saul ma, “Ma sala na hubaen i. Mulak ma ho anakku, Daud! Nada baenonku be na jahat tu ho, dibaen madung dipadiar ho au mangolu napotangin. Na bodo ma antong pangalahongku. Na dung tutu situtu do au hape lilu.”