2 SAMUEL 19:18 - BIBEL JAMITA NA DENGGAN

¹⁸ Diurupi halahi ma pangisi ni bagas ni raja i taripar jana dipatulus halahi ma sude hagiotna. Di na laho taripar raja i di batang aek i, manungkap ma si Simei di jolonia mandok,

2 SAMUEL 19:18 ပူးပေါင်းရင်းမြစ်များ

2 SAMUEL 19:17

Adong do saribu halak dongannia halak Benyamin. Jana si Ziba pe, naposo ni keluarga ni si Saul, dohot anaknia na lima bolas halak dohot naposonia ro do tu Batang aek Jordan mandapotkon raja i.

2 SAMUEL 19:19

“Sugari ulang ma nian tongtong dietong au na marsala. Sai lomo ma roha ni raja i manghalupahon sanga aha na hubaen di ari i dompak na kehe raja i manadingkon Jerusalem.

2 SAMUEL 19:30

Dung i dialusi si Mefiboset ma, “Antong padiar ma dibuat si Ziba i sudena. Madung sonang huhilala dibaen madung mulak raja i di bagasan hahorasan.”

2 SAMUEL 9:10

Angkon karejohononmu dohot angka dakdanakmu do tano i baen di pangisi ni bagas ni si Saul tuanmi jana lehen ma pandapotan ni tanona i tu halahi laho manggohi haporluan ni balanjona. Tapi anggo si Mefiboset tongtong noma mangan di bagas godang.” (Adong do lima bolas halak anak ni si Ziba dohot dua pulu halak naposonia.)

2 SAMUEL 9:2

Adong do parkobas di bagas ni si Saul na margoar si Ziba, jana disuru ma ro mangadop tu si Daud. Disapai raja i ma, “Ho do tehe si Ziba?” “Olo rajanami,” ning ia mangalusi.

1 RAJA-RAJA 2:8

“Taringot tu si Simei anak ni si Gera na sian kota Behurim di Luat Benyamin, adong do tonangku tu ho. Di pardalananku tu Mahanaim, diburai si Simei do au dohot angka hata na jat. Tapi di na marsuo au dohot ia di Batang aek Jordan, husumpahon do tusia hara ni Tuhan na so pola bunuonku ia.

MASMUR 66:3

Dok ma tu Debata, “Hahomangan godang do antong pambaenanMu!” Tunduk tu Ho angka musu jabat bajoraon, hara ni godang ni kuasoMu.

MASMUR 81:15

TaluhononKu ma sanga ise na magigi mida Au, salolotna noma halahi hona uhumKu.

HALUMBAAN 3:9

Ligi ma! Huboan ma tu hamu angka halak sian punguan ni Sibolis, angka na manggoari dirina halak Jahudi, hape nada tutu nian, pargabus do halahi. Baenonku ma halahi marsinggang di jolo ni patmu, jana botoon ni halahi ma na holong do rohangKu mida hamu.

1 SAMUEL 22:15

Tutu ma da i na mangido panogu-noguon au tu Debata salaho tusia, tapi nada i be na parjolo hubaen songon i. Salaho tu na mambaen partahian laho mangalo raja i, ulang ale dituhas raja i au sanga pe sian tonga-tonga ni bagasku. Nada hupaboto-boto sanga aha anggo salaho tu pangalaho i!”