2 SAMUEL 19:13 - BIBEL JAMITA NA DENGGAN

¹³ Laing disuru raja i muse dope halahi mulak tu si Amasa songon on, “Nada he donganku ho? Mamungka saonnari rasmi ma ho huangkat gabe panglima ni tentarangku manggontihon si Joab. Sai dimatehon Debata au, muda nada hupatulus i!”

2 SAMUEL 19:13 ပူးပေါင်းရင်းမြစ်များ

PAMUNGKAAN 29:14

didok si Laban ma, “Olo, tutu do sudena i, na samudar do ho dohot au.” Di bagas i ma maringanan si Jakob sabulan.

2 SAMUEL 17:25

Madung diangkat si Absalom, si Amasa gabe kapala ni tentara manggontihon si Joab. Si Amasa, i ma anak ni si Jitra halak Israel; inangna margoar si Abigail boru ni si Nahas, i ma pareban ni si Zeruya inang ni si Joab.)

2 SAMUEL 18:11

Dialusi si Joab ma, “Aha? Diida ho si Absalom? Biasi nada manigor dibunu ho? Sugari lehenonku do di ho sampulu hepeng perak dohot sada bobat.”

2 SAMUEL 20:4

Didok si Daud ma tu si Amasa, “Palagut ma sude halak Juda, jana ro ma ho tuson rap dohot halahi di bagasan tolu ari.”

2 SAMUEL 3:27

Disi lalu si Abner di Hebron, dipiohon si Joab ma ia tu lambungnia, tu lambung ni pintu horbangan i tarsongon na giot mangkobari sada rahasia. Dung i ditiham si Joab ma butuha ni si Abner i lalu mate. Songon i ma si Abner hona bunu dibaen si Joab laho mambaloskon pamunuon tu si Asael angginia i.

2 SAMUEL 5:1

Dung i marroan ma sude hatobangon ni marga ni Israel mandapotkon si Daud di Hebron mandok tusia, “Ale-ale ni raja i do hami on.

2 SAMUEL 8:16

Angka on ma parpangkat na gincat na niangkat ni si Daud: Si Joab anak ni si Zeruya; i ma gabe panglima ni tentara; si Josafat anak ni si Ahilud; i ma bendahara ni harajaan;

1 RAJA-RAJA 19:2

Gabe ditonahon si Isebel ma barita on tu si Elia, “Sai diuhumi angka debata ma au, dibunu pe au jadi ma, anggo so hubaen ancogot songon on ari tu ho songon na nibaenmi tu angka panurirang i.”

1 JUJUR TAON 12:18

Jadi adong ma sahalak sian halahi, i ma si Amasai na gabe pamimpin ni na margoar “Tridasawira i”, digohi Tondi Ni Debata ma ia jana didok ia ma, “O Daud, anak ni si Isai! Donganmu do da hami! Sai manjadi ma nian karejomu dohot angka na mandongani ho. Mamihak tu ho do Debata!” Jadi dijaluangi si Daud ma halahi jana diangkat ia ma halahi gabe perwira di tonga-tonga ni tentarania i.

RUT 1:17

Sanga na di dia marujung ngolu ni namboru, laing disi ma giotku mate dohot dikuburkon. Sai diuhumi Tuhan i ma au, lobi dope tehe sian i, muda adong sanga aha pe na manyirang au sian namboru, asing ni hamatean i!”