2 SAMUEL 19:1 - BIBEL JAMITA NA DENGGAN

¹ Adong ma na paboahon tu si Joab na sai tangis jana marsak Raja Daud hara ni si Absalom.

2 SAMUEL 19:1 ပူးပေါင်းရင်းမြစ်များ

PAMUNGKAAN 37:35

Sude dakdanaknia i dadaboru dohot halaklahi, marroan do laho mangapoi ia, tapi nada ra ia niapoan. Didok ia do, “Anggo au lopus manuat au tu portibi ni halak na mate, sai andunganku do anakki.” Songon i ma sai torus markutondo ia hara ni si Josep anaknia i.

2 SAMUEL 18:12

Tapi dialusi bayo i ma, “Haru saribu pe hepeng perak dilehen di au, inda na ra au manghahua anak ni raja i. Sude do hami umbege na niparentahon ni raja i tu tuan i dohot tu si Abisai dohot si Itai, anso ulang adong na mambaen mabugang si Absalom, na poso i, hara ni raja i.

2 SAMUEL 18:14

“Tuk ma i,” ning si Joab. Dung i dibuat si Joab ma tolu hujur jana ditihamkon ia ma i tu andora ni si Absalom na mangolu dope di hatiha i jana gantung di hayu i.

2 SAMUEL 18:20

“Ulang,” ning si Joab, “di pudi ma i. Anggo sadari on nada tola dope ho maroban barita, harana madung mate anak ni raja i.”

2 SAMUEL 18:33

Umbege i, marsak sajo ma roha ni raja i, lalu manaek ma ia tu inganan na di ginjang ni pintu horbangan i tangis jana mangandungi ma ia, “Oi anakki! Anakku si Absalom i! Si Absalom anakki! Gumonan do au mate manggontihon anakki! Si Absalom anakki!”

2 SAMUEL 18:5

Dung i diparentahon raja i ma tu si Joab, si Abisai dohot tu si Itai, “Ulang hahua hamu si Absalom, na poso i, hara ni au.” Sude do tentara i mambege parenta ni si Daud i.

2 SAMUEL 19:2

Jadi muba hamonangan na di ari i gabe hamarsahan di sude tentara ni si Daud dung dibege halahi na ditangisi ni raja i do hape anaknia i.

PODA 17:25

Anak na oto pasusa amangna, jana arsakkonon ni inangna.

ZAKARIA 12:10

Dung i lehenonKu ma tondi na sai marhagiot mangampuni dohot na marhagiot martangiang tu pomparan ni si Daud dohot tu halak na maringanan di Jerusalem. Tatapon ni halahi ma na nitiham ni halahi jana andungan ni halahi ma i songon pangandungi ni anak sasada. Lungun noma pangandung ni halahi, songon dia na agoan anak siangkaan.