2 SAMUEL 18:8 - BIBEL JAMITA NA DENGGAN

⁸ Mabidang ma parporangan di luat i sude jana umbahat do na mate tarsosak di harangan i ulang pado na mate di galanggang ni porang i.

2 SAMUEL 18:8 ပူးပေါင်းရင်းမြစ်များ

2 SAMUEL 18:7

Talu ma pasukan ni Israel i dibaen parangan ni si Daud; godang sajo do hataluan i, dua pulu ribu halak na mate di na sadari i.

2 SAMUEL 18:9

Dompak mangalombut bagalnia si Absalom, ompot ma marsuo ia dohot parangan ni si Daud. Mamolus bagalnia i di toru ni hayu na godang, jana sangkot ma ulu ni si Absalom di sada dangka. Marlojong torus bagalnia i, gabe tinggal ma si Absalom disi laing gantung-gantung.

1 RAJA-RAJA 20:30

Sanga ise na malua, kehe ma lari tu kota Afek, hape matolbak ma tembok ni kota i mandondoni dua pulu pitu ribu halak sian halahi. Si Benhadad pe masuk muse ma tu kota i jana martabuni ma ia di sada bagas di kamar parbagasan.

MASMUR 3:7

Palua ma da au ale Tuhan Debatangku, uhumi jana taluhon ma sude angka musungku.

MASMUR 43:1

Ale Debata, ondihon ma au di parkarongku maradopkon angka halak na durako. Patorang ma na so marsala au, palua ma au sian parjahat dohot pangicu.

HARURUAR 15:10

Hape, sangombus pe hosaMu, o Tuhan, halak Mesir i pe gabe marmogapan, bonom songon simbora di aek na magodang.

PODA 24:21

O anakku, habiari ma Tuhan, jana pasangap ma raja. Ulang ho dohot-dohotan tu na mangalo halahi.

PODA 24:22

Bolas do mago santongkin i jolma sisongon i, harana parmaraan na niparo ni Debata sanga raja, indada parkaro na menek.

JOSUA 10:11

Jadi taran na maporus i halak Amori sian jolo ni tentara Israel, didabuhon Tuhan ma ambolas na godang-godang sian langit tu ginjang ni halahi salolot di dalan i lalu tu Aseka. Umbahat dope na mate dibaen ambolas i sian na hona bunu ni halak Israel.