2 SAMUEL 18:5 - BIBEL JAMITA NA DENGGAN

⁵ Dung i diparentahon raja i ma tu si Joab, si Abisai dohot tu si Itai, “Ulang hahua hamu si Absalom, na poso i, hara ni au.” Sude do tentara i mambege parenta ni si Daud i.

2 SAMUEL 18:5 ပူးပေါင်းရင်းမြစ်များ

2 SAMUEL 16:11

Dung i didok si Daud dope tu si Abisai dohot tu sude naposonia i, “Salang anakku sandiri giot mamunu au do; biasi pola longang hamu marnida pangalaho ni halak Benyamin on? Tuhan do marsurusa mamurai hara ni i ulang hahua hamu ia jana padiar ma songon i mamurai ia.

2 SAMUEL 17:14

Umbege i didok si Absalom dohot halak Israel i ma sude, “Dumenggan do na nidok ni si Husai on sian sipaingot ni si Ahitofel i.” Tutu ma antong na dung diputuskon Tuhan laho manyundati sipaingot ni si Ahitofel na denggan i, anso marmara si Absalom.

2 SAMUEL 18:12

Tapi dialusi bayo i ma, “Haru saribu pe hepeng perak dilehen di au, inda na ra au manghahua anak ni raja i. Sude do hami umbege na niparentahon ni raja i tu tuan i dohot tu si Abisai dohot si Itai, anso ulang adong na mambaen mabugang si Absalom, na poso i, hara ni raja i.

2 SAMUEL 19:1

Adong ma na paboahon tu si Joab na sai tangis jana marsak Raja Daud hara ni si Absalom.

MASMUR 103:13

Songon asi ni roha ni ama-ama mida angka anakna do, asi ni roha ni Tuhan di angka na manghabiari Ia.

LUKAS 23:34

Dung i martangiang ma Jesus, “Ale Amang, sesa ma hasalaan ni halahi! Angke nada diboto halahi sanga aha na nibaen ni halahi.”