2 SAMUEL 18:4 - BIBEL JAMITA NA DENGGAN

⁴ Jadi didok raja i ma, “Antong denggan, marguru di hagiotmunu ma.” Dung i jongjong ma raja i di lambung ni pintu horbangan ni kota i, marbaris ma haruar sude tentara i di rombonganna be, adong na saribu jana adong marsaratus halak.

2 SAMUEL 18:4 ပူးပေါင်းရင်းမြစ်များ

2 SAMUEL 18:1

Dipalagut Raja Daud ma sude parangannia, dibagi-bagi ia ma marturpuk-turpuk, adong na saribu halak jana adong na saratus halak. Dung i diangkat ia ma komandanna ganop turpuk.

2 SAMUEL 18:24

Dompak juguk-juguk do si Daud di antara ni pintu horbangan na di bagasan dohot pintu horbangan parruar ni kota i. Manaek ma panjago i tu ginjang ni tembok jana jongjong ia di tarup ni pintu ni horbangan i. Di na manatap ia, diida ia ma ro sada halak na marlojong-lojong.

2 SAMUEL 18:5

Dung i diparentahon raja i ma tu si Joab, si Abisai dohot tu si Itai, “Ulang hahua hamu si Absalom, na poso i, hara ni au.” Sude do tentara i mambege parenta ni si Daud i.

JESAYA 28:6

Lehenon ma roha hasintongan di angka panguhum dohot habaranion tu angka panjago ni harbangan ni kota i maradopkon musu na ro mamorangi.

1 SAMUEL 29:2

Maju ma raja ni Pilistin na lima i marbaris rap dohot punguan na marsasaratus dohot marsasaribu halak; si Daud dohot parangannia i marbaris ma di pudi rap dohot Raja Akhis.