2 SAMUEL 18:2 - BIBEL JAMITA NA DENGGAN

² Dung i dipakehe ia ma halahi marporang di bagasan tolu rombongan; sarombongan be ma dipimpin si Joab, si Abisai anggi ni si Joab i dohot si Itai na sian Gat. Didok raja i ma tu tentarania i, “Au pe laing dohot do kehe rap dohot hamu.”

2 SAMUEL 18:2 ပူးပေါင်းရင်းမြစ်များ

2 SAMUEL 17:11

Jadi anggo au mandok songon on do: Palagut ma sude halak Israel sian Dan lalu tu Berseba, lopus songon horsik na di topi ni laut bahatna. Jadi daulat i sandiri ma mamimpin halahi marporang.

2 SAMUEL 21:17

Hape ro ma si Abisai anak ni si Zeruya i mangurupi si Daud. Diroro ia ma raksasa i lalu dibunu ia. Dung intap ni i, dipangidohon parangan ni si Daud i ma anso marjanji ia na so dohot be tu parporangan. “Raja i do arop ni roha ni Israel, ulang jabat magoan hami di raja i,” ning halahi.

2 SAMUEL 23:18

Si Abisai, anak ni si Joab anak ni si Zeruya i, i ma pamimpin ni “Tridasawira” na tarbarita i. Jungada do dimatehon ia tolu ratus halak dohot tombaknia.

2 SAMUEL 8:16

Angka on ma parpangkat na gincat na niangkat ni si Daud: Si Joab anak ni si Zeruya; i ma gabe panglima ni tentara; si Josafat anak ni si Ahilud; i ma bendahara ni harajaan;

1 RAJA-RAJA 2:28

Dung dibege si Joab sude na masa i, mabiar situtu ma ia hara ni na manyabola i ia tu si Adonia, haru pe najolo nada ra ia manyabola tu si Absalom. Gabe marlojong ma ia tu Bandar Parmianan Ni Tuhan maniop angka tanduk ni langgatan i.

MASMUR 3:6

Nada mabiar au hara ni alo na marribu na manghobuk au sian desa na walu.

HAKIM-HAKIM 7:16

Dung i dibagi-bagi si Gideon ma anak buania i gabe tolu regu. Dilehen ma sada be sarune dohot sada be kendi na marisi obor.

HAKIM-HAKIM 7:19

Marayak tonga borngin, lalu ma si Gideon dohot angka dongannia i di parbatasan ni parbandaran ni musu i. Na baru margonti dope di hatiha i pangawal. Jadi diombus si Gideon dohot rombongannia i ma sarune jana dipartaporkon halahi ma angka kendi ni halahi i.

HAKIM-HAKIM 9:43

Jadi dipalagut si Abimelek ma angka halaknia jana dibagi tolu ia ma pasukannia i, jana kehe ma halahi martabuni di ladang-ladang i lalu tongtong marjago-jago. Jadi di na niidania halak kota i na giot tu ladang, ruar ma ia sian partabuniannia i lalu dibunu ia ma halahi.

1 SAMUEL 11:11

Ancogotna i, manyogot-nyogot, dibagi tolu si Saul ma angka parangannia i. Jana painte so bincar mataniari diroro halahi ma tu tonga-tonga ni parbandaran ni parangan Amon i mamorangi halahi. Painte so kotu, madung dibunui halak ni si Saul musu i. Halak Amon na sanga malua masarsar be ma i lopus nada adong tarbaen mardua-dua rap marlojong.