2 SAMUEL 18:18 - BIBEL JAMITA NA DENGGAN

¹⁸ Taran di ngolu ni si Absalom dope, na dung dipajongjong ia humani do disia sandiri sada tugu di Rura Raja, angke nada adong anak halaklahi disia laho paudutkon pomparan disia. Dibaen ia ma goar ni tugu i mangihutkon goarnia sandiri, jana lalu tu sadari on laing na habotoan do tugu i, tugu ni si Absalom.

2 SAMUEL 18:18 ပူးပေါင်းရင်းမြစ်များ

PAMUNGKAAN 11:4

Didok halahi ma, “Tabaen ma sada kota dohot sada tugu lopus tu langit puncutna, anso tarbonggal goarta sandiri jana anso ulang marserak hita di tano on.”

PAMUNGKAAN 11:9

Dibaen ma goar ni kota i Babel, harana disi ma disegohon Tuhan hata ni sude bangso, jana sian i ma halahi marsitondong dalanna be tu sude portibi on.

PAMUNGKAAN 14:17

Di na mulak si Abram dung ditaluhon ia Raja Kedorlaomer dohot angka raja na asing i, ruar ma raja Sodom sian luatnia laho mangalo-alo si Abram di Rura Siawe (na nigoaran muse Rura Raja).

2 SAMUEL 14:27

Adong do tolu anak ni si Absalom jana sada borunia na jogi situtu rupana, goarna si Tamar.

MASMUR 109:13

Sai dirampas hamatean i ma sude pomparanna, jana dihalupahon sundut na mangihut goarna.

MASMUR 49:11

Maringanan di kuburan noma halahi salolotna; disi noma halahi mian sapanjang manyahena, haru pe dompak di ngoluna, bahat ladang nampunana.

JESAYA 22:16

“Ise ma he ho didok rohamu lakna? Aha hakmu manuhil kuburan di ho di dolok batu i?

JEREMIA 22:30

“Na dung ditontuhon do jolma i agoan angka dakdanakna jana sai lus di bagasan ngoluna. Sian pomparanna nada adong na marhasil mamarenta di Juda songon raja sian pomparan ni si Daud. Au Tuhan, madung mandok songon i.”

DANIEL 4:30

didok ia ma, “Ligi da, na jeges ma antong kota Babel! Au ma da na mambangun i gabe kota sabungan ni negara laho patandahon kuaso ni hagogoonku, hagodangan dohot habonggalonku!”

BILANGAN 32:42

Si Nobah mamorangi jana mangarampas Kenat rap dohot angka huta na disi gabe dibaen ia ma goarna Nobah, mangihutkon goarnia sandiri.

1 SAMUEL 15:12

Ancogotna i, manyogot dope, kehe ma si Samuel anso marsuo nian dohot si Saul. Dipaboa ma tusia bahaso na dung kehe si Saul tu kota Karmel jana dipajongjong ia disi sada batu parningotan disia, sian i torus ia tu Gilgal.