2 SAMUEL 18:17 - BIBEL JAMITA NA DENGGAN

¹⁷ Dung i diangkat ma bangke ni si Absalom i jana diambungkon ma tu bagasan sumur na bagas di harangan i. Ditimbun halahi ma sumur i dohot batu lopus gincat. Maporus ma sude tentara ni Israel tu bagasna be.

2 SAMUEL 18:17 ပူးပေါင်းရင်းမြစ်များ

2 SAMUEL 19:5

Kehe ma si Joab mangadop tu raja i jana didok ia ma, “Sadari on dipaila raja i do parangan ni raja i – halahi do paluahon hosa ni raja i, hosa ni sude anak, hosa ni boru, ripe dohot rading ni raja i.

2 SAMUEL 19:8

Dung i jongjong ma raja i jana haruar, lalu juguk di lambung ni pintu horbangan i. Tarbege ma tu angka parangannia na disi ia, dung i marroan ma halahi sude mangadop. Jadi anggo tentara ni Israel madung maporus jana marmulahan tu bagasna be.

2 SAMUEL 19:9

Masa ma parsalisian di tonga-tonga ni sude marga ni Israel. Didok halahi, “Raja Daud do na palua hita sian halak Pilistin dohot na paluahon hita sian angka musu na asing, hape saonnari maporus do ia sian si Absalom jana ditadingkon luat on.

2 SAMUEL 20:1

Di kota Gilgal adong ma sada bayo panggaori si Seba goarna. Anak ni si Bikri do i sian Marga Benyamin. Dompak na ro angka na mangudurkon si Daud, dipalu si Seba ma sarune jana manggora-gora ma ia, “Nada adong parsambunganta dohot si Daud. Tu ahanta ma mangihutkon ia? Jo hamu halak Israel, beta mulak be hita!”

2 SAMUEL 20:22

Dung i kehe ma ia jana dipalalu ia ma maksudnia i tu halak kota i. Dung i diponggolkon halahi ma ulu ni si Seba i jana didanggurkon tu si Joab. Dung i diombus si Joab ma sarune, jana kehe ma parangannia i manadingkon kota i mulak tu ingananna be. Kehe ma si Joab mulak tu Jerusalem mangadop tu raja i.

2 RAJA-RAJA 14:12

Talu ma pasukan ni si Amasia, marmulahan ma sude parajuritnia tu bagasna be.

2 RAJA-RAJA 8:21

Jadi ruar ma si Joram rap dohot sude kareta porangnia kehe tu Zair. Dihobuk tentara ni Edom ma ia disi, tapi borngin i tarbaen ia do luncat rap dohot angka panglima ni tentarania i manompas partahanan ni musuna i jana angka parajuritnia i pe marlojong ma mulak tu bagasna be.

PODA 10:7

Marrumang pasupasu do halak na burju diparningotan, tapi halak na jahat ompot do dihalupahon.

PANGARATAION 21:20

Angkon dokkonon ni halahi ma tu hatobangon ni kota i, ‘Na jogalan roha ni dakdanaknami on, sai mangalo jana nada ra mangihutkon hata na hami dok; pangabis-ngabis hepeng jana sai ra mabuk.’

PANGARATAION 21:21

Jadi angkon dangguran ni halaklahi na sakota i ma dakdanak i dohot batu lopus mate. Jadi songon i ma dalanna baenonmunu mangagohon hajahatan i. Begeon ni sandok jolma na di Israel ma na masa i, jana gabe mabiar be ma.”

JOSUA 10:27

Dung lusut mataniari, diparentahon si Josua ma, gabe dipaijur bangke i lalu disampakkon tu bagasan liang i, na nipake ni angka raja i hian inganan partabunian. Dung i dibaen ma batu na godang-godang di baba ni liang i. Lopus saonnari laing disi dope angka batu i.

JOSUA 7:26

Dung salpu i, ditimbun halahi ma inganan i dohot batu bahat sajo. Laing disi dope angka batu i lalu tu saonnari. I ma dalanna umbaen laing digoari inganan i Rura Akor. Jadi gabe mombun ma muruk ni Tuhan.

JOSUA 8:29

Anggo raja ni Ai digantung ia di bona ni hayu, dipadiar ia disi lopus borngin. Jana dung lusut mataniari disuru si Josua ma halak mambuat bangke i lalu didanggurkon di dalan laho masuk tu horbangan ni kota i. Dung i ditimbuni ma inganan i dohot batu bahat sajo. Laing disi dope angka batu i lopus tu saonnari.

1 SAMUEL 4:10

Dung i marporang ma halak Pilistin i marsitutu jana ditaluhon halahi ma halak Israel. Marlojong ma halahi tu bandarna be. Hataluan godang do i: tolu pulu ribu hona bunu tentara ni Israel.