2 SAMUEL 18:10 - BIBEL JAMITA NA DENGGAN

¹⁰ Adong ma sada sian parangan ni si Daud i marnida si Absalom na gantung-gantung i di hayu na godang i jana dipaboa ia ma tu si Joab, “Tuan, nangkin huida do si Absalom gantung-gantung di hayu na godang!”

2 SAMUEL 18:10 ပူးပေါင်းရင်းမြစ်များ

PAMUNGKAAN 12:6

dibolusi si Abram ma luat i lopus lalu ia tu tombak More inganan na badia na di Sikem. (Di hatiha i laing didapot ia dope disi maringanan halak Kanaan.)

2 SAMUEL 18:11

Dialusi si Joab ma, “Aha? Diida ho si Absalom? Biasi nada manigor dibunu ho? Sugari lehenonku do di ho sampulu hepeng perak dohot sada bobat.”

2 SAMUEL 18:9

Dompak mangalombut bagalnia si Absalom, ompot ma marsuo ia dohot parangan ni si Daud. Mamolus bagalnia i di toru ni hayu na godang, jana sangkot ma ulu ni si Absalom di sada dangka. Marlojong torus bagalnia i, gabe tinggal ma si Absalom disi laing gantung-gantung.

2 SAMUEL 21:6

Antong pasahat ma tu hami pitu halaklahi sian pomparannia anso hami gantung di adopan ni Tuhan di Gibea, kota ni Raja Saul i sandiri.” “Antong denggan,” ning raja i, “hupasahat pe halahi.”

JOB 31:3

Diparo Ia do parmaraan dohot hasusaan tu halak na mambaen hajahatan.

GALATIA 3:13

Madung ditobus Kristus hita sian bura ni Tona i, markite-hite na gabe bura hara ni hita, angke tarsurat do, “Na hona bura do sanga ise na hona gantung di hayu parsilang.”