2 SAMUEL 18:1 - BIBEL JAMITA NA DENGGAN

¹ Dipalagut Raja Daud ma sude parangannia, dibagi-bagi ia ma marturpuk-turpuk, adong na saribu halak jana adong na saratus halak. Dung i diangkat ia ma komandanna ganop turpuk.

2 SAMUEL 18:1 ပူးပေါင်းရင်းမြစ်များ

HARURUAR 17:9

Didok si Musa ma tu si Josua, “Pilii ma jolo sanga na piga-piga halak anso kehe marporang mangalo halak Amalek ancogot. Anggo au, jongjong di puncut ni dolok do maniop tungkot na nisuru oban ni Tuhan tu au.”

HARURUAR 18:21

Tapi tamba ni i muse, angkon laing pilionmu do piga-piga halak na malo jana na bisa dihaposi gabe pamimpin ni bangso i: Pamimpin ni saribu halak, saratus, lima pulu dohot sampulu halak. Dumenggan muda angka halak na mabiar mida Tuhan halahi, haposan jana na so ra manjagit hepeng suruk.

HARURUAR 18:25

dipili ia ma halak na malo marroha sian bangso Israel. Ditontuhon ia ma sian halahi na gabe pamimpin ni na saribu halak, deba tu saratus halak, deba tu lima pulu halak, jana adong tu na sampulu halak.

BILANGAN 31:14

Dimuruhi si Musa ma angka pamimpin dohot kapala ni saribu tentara dohot kapala ni saratus tentara na baru mulak sian parporangan i.

PANGARATAION 20:9

Dung sidung angka komandan mandok hata tu tentara i, angkon pilion do angka pamimpin di ganop rombongan.

JOSUA 8:10

Sogot dope ngot ma si Josua jana diparentahon ia ma anso marlagut parangannia. Dung i kehe ma ia rap dohot angka pamimpin ni halak Israel i maroban parangan i tu Ai.

1 SAMUEL 22:7

didok ia ma tu angka parangannia i, “Tangihon hamu jolo, hamu angka halak Benyamin! Na giot lehenon ni si Daud ma he lakna ladang dohot kobun anggur di hamu? Na giot angkatonnia ma he hamu lakna gabe kapala di bagasan tentarania?

1 SAMUEL 8:12

Deba ma i angkatonna gabe pamimpin tu saribu halak, jana na asing i tu lima pulu halak. Paksaon ni raja ma angka dakdanakmunu mamangkur ladangna, palagutkon suhana, mambaen angka sinjatana dohot parkokas ni karetana.