2 SAMUEL 17:8 - BIBEL JAMITA NA DENGGAN

⁸ Torang do diboto raja i, anggo si Daud dohot parangannia i angka parporang na barani do. Na songon gompul boru-boru na agoan anak do jingar ni halahi. Boti muse, si Daud sandiri pe parajurit na marpangalaman do i na so jungada modom rap dohot parangannia.

2 SAMUEL 17:8 ပူးပေါင်းရင်းမြစ်များ

2 SAMUEL 15:18

Jongjong ma sude pagawe ni raja i di lambungnia di na mamolus angka tentara pangawal ni raja i marbaris. Songon i muse tentara sionom ratus halak (halak Kreti dohot halak Pleti) na mangihutkon ia sian Gat, laing marbaris ma di jolonia.

2 SAMUEL 17:9

Saborngin on pe aropku martabuni di bagasan sada liang do ia sanga di inganan na asing. Antong, sugari ma rupani dialo si Daud parangan ni raja i jadi sanga ise na umbege i, dokkononna ma, madung talu parangan ni si Absalom.

2 SAMUEL 23:16

Disarsar perwira sitolu halak na tarbarita i ma partahanan ni halak Pilistin i, ditimba halahi ma aek sian sumur i, dung i dioban halahi ma i tu si Daud. Hape nada ra si Daud manginumsa; diduruskon ia ma aek i tu tano gabe haul tu Tuhan.

2 SAMUEL 23:18

Si Abisai, anak ni si Joab anak ni si Zeruya i, i ma pamimpin ni “Tridasawira” na tarbarita i. Jungada do dimatehon ia tolu ratus halak dohot tombaknia.

2 RAJA-RAJA 2:24

Manaili ma si Elisa manatap halahi jana diburai ia ma halahi mangasahon goar ni Tuhan. Jadi manigor ro ma dua gompul boru-boru sian ramba i manyibak-nyibak opat pulu dua halak sian dakdanak i.

PODA 17:12

Gumonan do marsuo dohot induk ni gompul na magoan anak, ulang pado marsuo dohot halak na bodo na topet padalan haotoanna.

PODA 28:15

Parjahat na markuaso tu halak na marhahurangan, songon singa na marngaur sanga songon gompul na manyoro do i.

JEHESKIEL 19:2

Songon singa boru-boru do inangmu na gogo boti na jorbut. Dipagodang-godang ia angka anaknia di tonga-tonga ni angka singa na tongam.

DANIEL 7:5

Binatang na paduahon tompana songon gompul. Jongjong di patna pudi i do ia, jana dioban ia tolu holi-holi ni rusuk di antara ni iponnia i. Hubege ma sora na mandok tusia, “Tole bo, papangani ma juhut sanga sadia giotmu!”

HOSEA 13:8

ParsurageonKu ma hamu songon gompul na agoan anak. Sibak-sibahonKu ma hamu. Songon singa, giot polgakonKu hamu di ingananmunu, jana songon binatang panyoro parsurageonKu ma hamu.”

HAKIM-HAKIM 18:25

Didok angka halak Dan i ma, “Gumonan ma sip ho. Anggo inda, gabe muruk ma naron angka jolma on hantamon jana bunuonna ma ho dohot sude isi ni bagasmu.”

1 SAMUEL 16:18

Umbege i, didok sada halak hatobannia i ma, “Adong do anak ni si Isai na sian kota Betlehem na malo marmusik. Na barani do i jana sada parangan na burju. Boti muse na togap jana na malo mandok hata, jana didongani Tuhan do ia.”

1 SAMUEL 17:50

Songon i ma dibaen si Daud manaluhon halak Pilistin i marhite ambalang dohot batu; ditaluhon dohot dibunu ia do halak Pilistin i, so pola mardongan podang.

1 SAMUEL 23:23

Jadi tangkas ma pareso hamu sanga liang dia na jungada dipake ia inganannia martabuni, dung i ulahi hamu ma ro tuson laho paboahon tu au. Disi ma rap kehe au dohot hamu, jana muda laing di luat i do ia antong, musti hujalahi, haru lopus husarsar sude Juda!”