2 SAMUEL 17:29 - BIBEL JAMITA NA DENGGAN

²⁹ aer ni loba, miak, kapala ni susu dohot biri-biri sanga na piga. Diboto halahi do na malean si Daud dohot parangannia i, manguas boti loja hara ni na mardalan di halongonan i.

2 SAMUEL 17:29 ပူးပေါင်းရင်းမြစ်များ

2 SAMUEL 16:14

Ma loja sajo raja i dohot sude parangannia i di na lalu halahi di Batang aek Jordan, jadi gabe maradian disi ma halahi.

2 SAMUEL 16:2

Marsapa ma si Daud tusia, “Baen aha dehe on sudena?” Dialusi si Ziba ma, “Anggo angka halode on, na giot sitenggeton ni dongan sabagas ni raja do; roti dohot parbatu on di angka naposo ni raja i, jana aek ni anggur on di angka na loja di halongonan ma on.”

2 SAMUEL 17:2

Hatiha gale ia jana manderse disi ma ia hualo. Tarsonggot ia baenonku lopus maporus sude parangannia i. Hum Raja Daud sajo do na giot bunuonku.

MASMUR 107:5

Manguas halahi jana tangkuraparon mago sude na niarop ni rohana.

MASMUR 84:11

Angke pangondian na gogo do Tuhan Debata, na mangalehen sangap dohot basa-basa di hita. Sai marpupu do dilehen Ia hadenggananNia tu halak na patuluskon hagiotNia.

PODA 21:26

Sasadari hum na marangan-angan do ia salaho tu por ni rohania. Hapengani anggo halak na burju mangoloi Debata mangalehen do maradu marlobian.

JESAYA 21:14

Lehen ma minum angka halak na manguas na ro tu ho. O hamu halak na maringanan di tano Tema, lehen hamu ma mangan angka halak pangusi.

JESAYA 58:7

Bagi hamu ma panganonmunu tu halak na malean jana jagit hamu ma masuk tu bagasmu angka halak na mompas-ompas. Muda diida hamu halak na marsaemara lehen hamu pakean tu halahi, jana ulang tulak hamu sisolkotmu na manghaporluhon pangurupionmu.

LUKAS 8:3

dohot si Johanna daboru ni si Khusa, bendahara ni Raja Herodes; si Susanna, bahat dope tehe daboru na asing. Halahi sandiri do na pasingkop na hasaya di Jesus rap dohot angka siseanNia i.

SURAT NI SI PAULUS TU PARLAGUTAN ROM 12:13

Urupi hamu ma na patukkon haporluan ni angka halak na porsaya tu Debata jana sonang ma rohamunu manjagit haroro ni halahi tu bagasmunu.

1 SAMUEL 17:18

Laing oban muse ma sampulu rantang dadi ni lombu on di pamimpin ni parangan i. Sapai ma sanga na bia do angkangmu disi, jana oban ma tanda di au paboa na dung marsuo ho dohot halahi dohot tanda na horas halahi.