2 SAMUEL 17:23 - BIBEL JAMITA NA DENGGAN

²³ Dung diida si Ahitofel na so diihutkon hatania i, dipasang ia ma palano ni halodenia, lalu mulak ma ia tu kotania sandiri. Dung dipasidung ia sude urusannia, manyingkot ma ia lalu ditanom di kuburan ni halahi sahorong.

2 SAMUEL 17:23 ပူးပေါင်းရင်းမြစ်များ

2 SAMUEL 15:12

Jadi dompak na manghaulkon haul si Absalom, laing disuru ia muse ma utusan tu kota Gilo laho marpio si Ahitofel, i ma sada sian panuturi ni Raja Daud. Jadi songon i ma antong mur margogo parkumpulan laho mangalo raja i jana mur mabahat ma angka na mangihut tu si Absalom.

2 SAMUEL 15:31

Di na dipaboa tu si Daud na dohot muse si Ahitofel rap dohot si Absalom, martangiang ma si Daud, songon on, “O ale Tuhan, sugari disundati Ho ma nian sipaingot ni si Ahitofel!”

2 SAMUEL 16:23

Anggo di hatiha i, sude sipaingot ni si Ahitofel dijagit do i songon dia hata ni Debata sandiri; si Daud bope si Absalom mangihut do di angka sipaingotnia.

2 SAMUEL 17:22

Taripar ma si Daud dohot parangannia i di Batang aek Jordan i jana lalu ma halahi di bariba, andostorang.

1 RAJA-RAJA 16:18

Disi diida si Zimri na dung dirampas kota i, masuk ma ia tu bagas godang, disurbu ia ma bagas godang i dohot ia, gabe mate ma ia.

2 RAJA-RAJA 20:1

Laing di ombas i baroon ma Raja Hiskia hancit sajo jabat giot mate ia. Ditopot Panurirang Jesaya anak ni si Amos ma ia jana didok ma tusia, “Madung ditonahon Tuhan anso dihobasi raja i sandok karejo, angke nada malum be raja i. Nada sadia honok nari be anso marujung ngolu ni raja i.”

JOB 31:3

Diparo Ia do parmaraan dohot hasusaan tu halak na mambaen hajahatan.

MASMUR 109:20

O Tuhan, dabu ma uhuman i tu musungku, tu halak na mandok hata na jat tu au.

MASMUR 5:10

Ale Debata, laing diadili ma da halahi anso mago sandiri halahi baenon ni roha ni halahi i maradopkon Ho do halahi manggagai paorot ma halahi hara ni dosa ni halahi na bahat i.

MASMUR 55:23

Tapi anggo Ho ale Debata, sampakkononMu ma halahi tu bagasan lubang na umbagas. Angka panghianat dohot na manduruskon mudar, nada lalu bolusonna satonga ni umurna. Hape anggo au, tu Ho do au porsaya.

PODA 16:18

Ginjang ni roha mambaen hasegoan; bulbul mambaen hasarsaran.

PODA 19:3

Adong do halak na manyegohon dirina hara ni haotoonna, dung i Tuhan ma dipasala ia.

JESAYA 38:1

Laing di hatiha i muse, marnyae ma si Hiskia jana jabat do giot marujung. Ro ma Panurirang Jesaya anak ni si Amos mandapotkon ia jana didok ia ma, “Lehen ma tonamu na parpudi tu keluargamu, harana mate noma ho, nada malum be ho. Nada sadia honok nari, marujung ma ngolu ni raja i.”

MATEUS 27:5

Gabe disampakkon ia ma hepeng perak i tu Bagas Ni Debata, dung i kehe ma ia manyingkot.