2 SAMUEL 17:20 - BIBEL JAMITA NA DENGGAN

²⁰ Marroan ma angka naposo ni si Absalom tu bagas i jana disapai halahi ma tu anakboru sinangkin, “Di dia si Ahimaas dohot si Jonatan?” “On dope taripar halahi di batang aek i,” ning ia mangalusi. Dijalak-jalahi halahi ma doli-doli na dua i, tapi nada dapot halahi be, lalu mulak noma halahi tu Jerusalem.

2 SAMUEL 17:20 ပူးပေါင်းရင်းမြစ်များ

2 SAMUEL 15:34

Hape tarurupi ho do au, sugari mulak ho tu kota. Jana dokkon ma tu si Absalom, na giot oloanmu ia burju, songon pangoloimu di amangnia na salpu i. Songon i noma dalanna baenonmu anso tarbaen ho mangalo sude sipaingot ni si Ahitofel.

HARURUAR 1:19

Dialusi halahi ma, “Nada songon ina-ina ni halak Mesir anggo ina ni halak Ibrani i. Momo do halahi mardakdanak. Taran so ro dope bidan, madung sorang dakdanak i.”

HAMALIMON 19:11

Ulang ho manangko, mangicu sanga margabus.

HAKIM-HAKIM 4:20

Dung i didok si Sisera ma tu si Jael, “Kehe ma ho jongjong di jolo ni pintu ni bandar i. Muda adong halak na ro jana marsapa tu ho sanga na adong halak dison, dok ma, inda.”

1 SAMUEL 21:2

Dialusi si Daud ma, “Na disuru ni raja i do au jana nada tola paboaon karejo on sanga na tu ise pe. Jadi madung hutonai paranganku mandapoti au di sada inganan.