2 SAMUEL 17:17 - BIBEL JAMITA NA DENGGAN

¹⁷ Jadi painte-intehon ma si Jonatan anak ni si Abyatar dohot si Ahimaas anak ni si Zadok i di lambung ni mual En-Rogel na di topi ni kota Jerusalem i. Nada puluk be halahi masuk tu kota i, angke mabiar halahi diida halak. Songon somalna, adong do sada anakboru parkobas na palaluhon tu halahi barita sipalaluon tu Raja Daud.

2 SAMUEL 17:17 ပူးပေါင်းရင်းမြစ်များ

2 SAMUEL 15:27

Dung i didok raja i muse ma tu si Zadok, “Piohon ma si Ahimaas anakmi dohot si Jonatan anak ni si Abyatar i jana mulak ma hamu sonang tu kota.

2 SAMUEL 15:35

Si Zadok pe dohot si Abyatar laing disi do. Paboa ma tu halahi sandok na nibegemu di bagas godang.

2 SAMUEL 15:36

Si Ahimaas anak ni si Zadok pe dohot si Jonatan anak ni si Abyatar i, diihutkon halahi do amangna, laing disi muse do halahi. Angkon suruhononmu ma angka dakdanak i tu au laho palaluhon sandok barita na tarpalagut ho.”

1 RAJA-RAJA 1:42

Nada sidung dope si Joab na mangkatai i, tompu ma ro si Jonatan anak ni Malim Abyatar. “Ro ho masuk tuson,” ning si Adonia. “Halak na burju do ho, tontu barita na denggan do na giot paboaonmu.”

1 RAJA-RAJA 1:9

Di na sadari di inganan na margoar Batu Ulok di lambung ni mual ni Batang aek En-Rogel, dihaulkon si Adonia ma haul biri-biri, lombu jantan dohot angka lombu jara-jara na mokmok. Angka anak ni Raja Daud na asing i dohot angka pagawe na di bagas ni raja i sian Juda, madung diontang si Adonia tu pesta haul i,

JOSUA 15:7

dung i torus ma i tu Rura Akor lalu tu Debir, lalu mangeldok tu Utara mangulahi adop Gilgal di inganan na tongtang dohot robean ni angka dolok na di Adumim na di Selatan ni rura i. Sian i torus muse tu mual ni aek En-Semes lopus tu En-Rogel,

JOSUA 18:16

Dung i manuat ma garis batas i tu pat ni dolok na paadop-adop dohot Rura Hinom, di ujung sian Utara ni Rura Refaim. Dung i mamolus ma garis batas i sian Rura Hinom tu Selatan, sabola Selatan ni robean ni tor na di Luat Jebus, laho tu En-Rogel.