2 SAMUEL 17:11 - BIBEL JAMITA NA DENGGAN

¹¹ Jadi anggo au mandok songon on do: Palagut ma sude halak Israel sian Dan lalu tu Berseba, lopus songon horsik na di topi ni laut bahatna. Jadi daulat i sandiri ma mamimpin halahi marporang.

2 SAMUEL 17:11 ပူးပေါင်းရင်းမြစ်များ

PAMUNGKAAN 13:16

LehenonKu ma di ho bahat pomparanmu, jabat nada adong sahalak pe na tarbaen mangetongsa. Songon abu na di tano i, na so adong halak na sanggup mangetongsa, laing songon i ma pomparanmu nada taretong sanga ise.

PAMUNGKAAN 21:14

Manyogotna i dipasahat si Abraham ma tu si Hagar saotik sipanganon dohot aek di bagasan kantongan kulit anso adong bohal di dalan. Dipaompahon ia ma dakdanak i tu tanggurung ni si Hagar jana disuru ia ma kehe anakboru i. Jadi kehe ma si Hagar jana madangadang ma ia di padang parhorsihan Berseba.

PAMUNGKAAN 22:17

Marjanji ma Au, paboa baenonKu ma pomparanmu sabahat ni bintang na di langit sanga sabahat ni horsik na di topi ni laut. Taluhonon ni angka pomparannia ma angka musu ni halahi.

2 SAMUEL 12:28

Saonnari, pangidoan anso nian ra raja i palagutkon tentaranta na deba nari i, dohot mamimpin serangan laho manaluhon kota i. Muda songon i, gabe nada adong be sanoli on halak na mandok, bahaso au na mangarampas kota i.”

2 SAMUEL 24:2

Dung i didok si Daud ma tu si Joab, panglima ni tentarania i, “Kehe ma ho rap dohot angka perwirami manopot sude marga ni Israel di sandok luatna laho mambaen pamilangion. Giot botoonku bahat ni halahi.”

2 SAMUEL 3:10

i ma papindahon harajaon sian horong ni si Saul jana pajongjongkon harajaan ni si Daud di Israel dohot di Juda sian Dan lopus tu Berseba.”

1 RAJA-RAJA 20:10

“Suruon ni rajanami i ma tentara bahat sajo laho mangarorak kotamon, jana taroban halahi do abu ni tapor-tapor ni kotamon dohot tangan ni halahi. Madung disumpahon ia anso diuhumi debata i, salang dimatehon pe jadi, anggo inda dipatulus ia songon i!”

1 RAJA-RAJA 4:20

Songon bahat ni horsik na di topi ni laut do bahat ni rayat ni Juda dohot Israel. Sonang do ngolu ni halahi, jana marlobi-lobi sipanganon dohot siinumon.

MASMUR 9:16

Dipatidahon Tuhan do diriNa na tigor di bagasan putusanNia. Halak na jahat dabuhononNa hara ni parkarejoanNa.

JOSUA 11:4

Jadi marroan ma angka raja-raja i rap dohot tentarana be na songon i bahatna jabat songon bahat ni horsik na di topi ni laut. Kudona pe dohot kareta porang ni halahi sun bahatna.

HAKIM-HAKIM 20:1

Jadi marroan ma sude halak Israel sian Dan di Utara lopus tu Berseba di Selatan, dohot sian Gilead di Habincaran laho mangoloi pio-pio i. Marlagut ma halahi jana marsada di Mispa di adopan ni Tuhan.

1 SAMUEL 13:5

Laing marlagut muse ma di hatiha i halak Pilistin laho mamorangi halak Israel; adong do tolu pulu ribu kareta porang ni halahi, onom ribu halak na markudo, jana angka parajurit songon bahat ni horsik na di topi ni laut. Kehe ma halahi marbandar di Mikmas di Habincaran ni Bet-Awen.

1 SAMUEL 3:20

Hara ni i ma dibaen na sude rayat na sian sandok luat i mangoku bahaso anggo si Samuel i sada halak, panurirang ni Tuhan do.