2 SAMUEL 17:10 - BIBEL JAMITA NA DENGGAN

¹⁰ Jadi salangkan angka jolma na umbarani dohot na songon jingar ni singa pe gabe mabiar noma. Angke sude do halak Israel umbotosa na parporang do amang ni raja i, jana angka paranganna pe angka parporang na barani do.

2 SAMUEL 17:10 ပူးပေါင်းရင်းမြစ်များ

PAMUNGKAAN 49:9

Songon singa do si Juda. Matehononna do soroanna, jana mulak tu asarna, marngeat ma ia lalu modom-modom. Nada adong umpe sahalak na puluk paorotkon ia.

2 SAMUEL 1:23

Si Saul dohot si Jonatan na dihaholongan jana na lambok, sai marsada do i di hangoluan bope di hamatean; humipas do halahi sian unggas rajawali, gumogo sian singa na gogo halahi.

2 SAMUEL 17:9

Saborngin on pe aropku martabuni di bagasan sada liang do ia sanga di inganan na asing. Antong, sugari ma rupani dialo si Daud parangan ni raja i jadi sanga ise na umbege i, dokkononna ma, madung talu parangan ni si Absalom.

2 SAMUEL 23:20

Sada nari perwira na asing na tarbarita, i ma si Benaya anak ni si Joyada, halak Kabseel. Na puluk situtu. Dua parporang sian Moab dibunu ia. Jungada do di sada ari na marsalju, masuk ma ia tu bagasan sada liang, lalu dimatehonia sada singa disi.

MASMUR 89:19

Narobi di bagasan sada parnidaan, didok Ho tu naposoMu na setia, “Madung Huurupi sada halak na tongam, madung Hupatimbo sada halak sian tonga-tonga ni na bahat.

HARURUAR 15:15

Angka pamimpin ni Edom gabe manyogar halak Moab na gogo i gabe manyikur, angka halak Kanaan pe marroha heput.

PODA 28:1

Marlojongi do halak parjahat haru so adong na mangayak, tapi halak na tigor barani do songon singa.

ENDE NA GODANG 3:7

Si Salomo do i na juguk di habangsana; na niboan ni onom pulu halak perwira, sian antara ni pahlawan-pahlawan ni Israel.

JESAYA 13:7

Ganop halak hilalaonna ma tanganna gale jana heput.

JESAYA 19:1

On ma tona salaho tu Mesir. Ro do Tuhan tu Mesir manengget ombun na hipas. Humitir ma angka gana-ganaan ni Mesir di joloNia jana menek ma roha ni halak Mesir marnidasa.

JEHESKIEL 21:15

Mago do habaranion ni bangsongKu dibaen podang i jana tartuktuk lalu tinggang. Huondam kota ni halahi dohot podang na manyirlak songon hilap jana na hobas laho mambunu.

PANGARATAION 1:28

Jadi, aha ma he gunanta tusi? Mabiar hita. Sian angka halak na tasuru tusi paboahon tu hita, gumogo jana tumogos-togos do bangso i ulang hita, jana sasalangit gincat ni tembok ni kota na niinganan ni halahi. Madung diida halahi raksasa disi!’

IBRANI 11:34

Diintopi halahi do api na godang. Malua do halahi marlojong sian baba ni podang. Gale do nian halahi, tapi gabe margogo; mur margogo dope tehe di parporangan, lopus tartaluhon halahi angka parangan ni bangso na asing.

1 SAMUEL 16:18

Umbege i, didok sada halak hatobannia i ma, “Adong do anak ni si Isai na sian kota Betlehem na malo marmusik. Na barani do i jana sada parangan na burju. Boti muse na togap jana na malo mandok hata, jana didongani Tuhan do ia.”

1 SAMUEL 18:17

Ditahi roha ni si Saul ma anso dibunu halak Pilistin si Daud di bagasan porang anso ulang ia sandiri mamunusa. Jadi di sada ari didok si Saul ma tu si Daud, “Hupatunang ma borungku siangkaan i dohot ho, asal ma dipatuduhon ho habaranionmu marporang di Tuhan.”