2 SAMUEL 16:9 - BIBEL JAMITA NA DENGGAN

⁹ Didok si Abisai anggi ni si Joab, anak ni si Zeruya i ma tu raja i, “Biasi dipadiar raja i anjing na mate i mamurai raja i? Paloas ma au, anso hugotap rungkungna i!”

2 SAMUEL 16:9 ပူးပေါင်းရင်းမြစ်များ

2 SAMUEL 19:21

Umbege i gabe didok si Abisai anak ni si Zeruya i ma, “Anggo si Simei indon patut do nian mate niuhum on, hara ni na mamurai tu raja na nipili ni Tuhan.”

2 SAMUEL 19:22

Tapi mangkuling ma si Daud tu si Abisai dohot si Joab, mandok, “Ulang manganto-antoi hamu. Biasi arsahanmunu au? Di ari sadari on mulak au gabe raja di Israel, jana nada adong tola halak Israel na mate hona uhum.”

2 SAMUEL 3:30

Songon i ma dibaen si Joab dohot anggina si Abisai palalu hosomna tu si Abner hara ni na nibununia si Asael anggi ni halahi i di parporangan na di Gibeon.

2 SAMUEL 3:8

Jadi gabe gilap ma si Abner jana didok ia ma, “Adong he na didok roha ni tuan i do marbalik au sian si Saul jana mamihak au tu Juda lakna? Sian mulana do au unduk tu si Saul, amangmu, dohot tu kahanggina maradu angka donganna. Madung huurupi tuan i gabe nada ditaluhon si Daud. Hum songon i hapengani laing digorahon tuan i dope hum hara ni dadaboru sajo!

2 SAMUEL 9:8

Manungkap si Mefiboset mangulahi mandok, “Aha ma nian argangku, suman songon anjing na mate do au, rajanami! Biasi pola songon i denggan ni raja i tu au?”

HARURUAR 22:28

Ulang burai hamu Debata jana ulang pasumpahon pamimpin ni bangsomu.

LUKAS 9:54

Jadi dung diboto angka sisean ni Jesus, i ma si Jakobus dohot si Johannes pangalaho na songon i, gabe didok halahi ma, “Bia do Tuhan, ra do Ho muda hami pangido anso madabu api sian langit manyurbu sude halak na sahuta on?”

BAENON NI ANGKA RASUL 23:5

Dialusi si Paulus ma, “Na so huboto do ia Malim Godang. Tutu do i adong tarsurat, ‘Ulang palayas pamimpin ni bangsomu.’ ”

1 PETRUS 2:17

Pantun ma hamu tu sude halak, haholongi hamu ma donganmunu sahaporsayaan tu Kristus. Habiari hamu ma Debata jana pasangap ma Kesar i.

1 SAMUEL 24:14

Diboto raja i do pandohan ni umpama narobi songon on, ‘Hum halak na jahat do na mambaen hajahatan.’ Jadi hara ni i, nada hancitan raja i baenonku.