2 SAMUEL 16:8 - BIBEL JAMITA NA DENGGAN

⁸ Dibuat ho ma antong harajaan ni si Saul. Na dilehen Tuhan do harajaanmi tu anakmu si Absalom. Saonnari pe anso mago ho, pambunu!”

2 SAMUEL 16:8 ပူးပေါင်းရင်းမြစ်များ

2 SAMUEL 1:16

Didok si Daud ma tu doli-doli ni Amalek i, “Didabuhon ho do uhuman mate tu ho sandiri di na niokumu bahaso ho mamunu halak na nipili ni Tuhan i gabe raja.”

2 SAMUEL 19:19

“Sugari ulang ma nian tongtong dietong au na marsala. Sai lomo ma roha ni raja i manghalupahon sanga aha na hubaen di ari i dompak na kehe raja i manadingkon Jerusalem.

2 SAMUEL 19:21

Umbege i gabe didok si Abisai anak ni si Zeruya i ma, “Anggo si Simei indon patut do nian mate niuhum on, hara ni na mamurai tu raja na nipili ni Tuhan.”

2 SAMUEL 21:1

Dompak si Daud mamarenta, masa ma haleon potir tolu taon honokna. Dung i adong ma dijagit si Daud panogu-noguon ni Tuhan taringot tusi, jana didok Tuhan ma, “Anggo haleon i, i ma hara ni hasalaan ni si Saul dohot donganna sabagas, mate diuhumi halahi antong angka halak Gibeon.” (

2 SAMUEL 21:9

Dipasahat ma halahi tu halak Gibeon, jana rap mate di gantungan ma sipitu halak i di ginjang dolok di adopan ni Tuhan. Di ujung ni musim bunga ma dipadalan uhuman mate i, di na mamungka manggotil jabaure.

1 RAJA-RAJA 2:8

“Taringot tu si Simei anak ni si Gera na sian kota Behurim di Luat Benyamin, adong do tonangku tu ho. Di pardalananku tu Mahanaim, diburai si Simei do au dohot angka hata na jat. Tapi di na marsuo au dohot ia di Batang aek Jordan, husumpahon do tusia hara ni Tuhan na so pola bunuonku ia.

MASMUR 3:2

Bahat ma halak mandok, anggo Debata, na so ra do manolong au.

MASMUR 4:2

Hamu ale angka jolma, sadia honok nari hamu palayas hamuliaonKu? Olat ni andigan sai mangkojar na soada, dohot mangkaholongi na so marguna?

MASMUR 55:3

Lebak do au hara ni pangondam ni musu dibaen panyosak ni halak na jahat, angke disusai halahi do ngolungku, jana panyogo-nyogoon do halahi mamusui au.

PODA 26:2

Songon unggas na habang di awang-awang jana hum na mamolus sajo, nada tarbaen hona bura halak muda na so marsala do.

HALUMBAAN 16:6

Dibaen madung diusehon halahi mudar ni angka halak na badia dohot angka panurirang i. Madung dilehen Ho mudar gabe inumon ni halahi tama do na songon i di halahi!”

HAKIM-HAKIM 9:24

Tarjadi pe pangalaho on, anso marbalos do hajahatan ni si Abimelek dohot angka halak Sikem na manjajang ia anso mambunu angka anak ni si Gideon na pitu pulu halak i.