2 SAMUEL 16:4 - BIBEL JAMITA NA DENGGAN

⁴ Dung i didok raja i ma tu si Ziba, “Gabe ho ma nampuna sude sinadongan ni si Mefiboset i.” “Hupatulus ma sude parenta ni raja i,” ning ia mangalusi. “Sai lomo ma nian tongtong roha ni raja i mida au!”

2 SAMUEL 16:4 ပူးပေါင်းရင်းမြစ်များ

2 SAMUEL 14:22

Manungkap ma si Joab di jolo ni si Daud, lalu mandok, “Sai dipasupasu Debata nian raja i! Saonnari ma huboto na jop do hape roha ni raja i mida au, dibaen madung dipatulus pangidoanki.”

2 SAMUEL 14:4

Kehe ma anakboru i mangadop tu raja i jana manungkap ma ia marsomba jana didok ia ma, “Rajanami na niparsangapan, diurupi raja jolo iba on!”

2 SAMUEL 14:8

“Mulak ma ho,” ning raja i mangalusi, “Huurus pe parkaro i.”

2 SAMUEL 16:3

Dung i disapai raja i ma tusia, “Di dia si Mefiboset pahompu ni tuanmi?” “Laing di Jerusalem do ia,” ning si Ziba mangalusi, “harana pos do rohania na giot paulahon ni halak Israel ma saonnari tusia harajaan ni si Saul, ompungnia i.”

2 SAMUEL 16:5

Di na lalu si Daud di Bahurim, ruar ma sada bayo sian huta i, jana di na mur donok ia, diburai ia ma si Daud. Si Simei goarna anak ni si Gera na sian kahanggi ni si Saul.

2 SAMUEL 19:27

Dipatubu-tubu ia muse dope hata na so tutu maradopkon au tu raja i. Tapi songon surusuruan ni Debata do raja i. Antong dibaen raja i ma sanga aha na denggan di roha ni raja i.

2 SAMUEL 9:6

Si Mefiboset do goar ni anak ni si Jonatan i. Di na ro ia, manungkap ma ia pasangap si Daud. Dipangkulingkon si Daud ma ia mandok, “Mefiboset,” jana dialusi ia ma, “Olo rajanami.”

2 SAMUEL 9:9

Dung i dipio raja i ma si Ziba parkobas ni si Saul i jana didok ia ma, “Sandok na nitinggalkon ni si Saul dohot dongan sabagasnia, hulehen ma i di pahompu ni tuanmon.

HARURUAR 23:8

Ulang jagit hamu hepeng sisip, angke gabe mapitung do halak tu na tigor baenon ni hepeng sisip jana mangarugihon do i diparkaro ni angka halak na so marsala.

PODA 18:13

Jolo nitangihon painte so nialusan. Muda nada, oto do ho jana mambaen layas tu halak.

PODA 18:17

Hata na parjolo di sidang pangadilan sai na martarimo do i, lopus mambaen sapa-sapa tusia alona i.

PODA 19:2

Nada denggan mangaringgas iba mangkarejohon na so binoto, halak na mopop gabe dapotan hamaolon do.

PANGARATAION 19:15

“Nada tuk sada halak sajo saksi laho patorangkon sada halak na hona tuhas marsala, na ummotikna dua saksi porlu di pangalaho i.