2 SAMUEL 16:20 - BIBEL JAMITA NA DENGGAN

²⁰ Dung i didok si Absalom ma tu si Ahitofel, “Paboa ma sanga aha sipatupaonta.”

2 SAMUEL 16:20 ပူးပေါင်းရင်းမြစ်များ

2 SAMUEL 15:12

Jadi dompak na manghaulkon haul si Absalom, laing disuru ia muse ma utusan tu kota Gilo laho marpio si Ahitofel, i ma sada sian panuturi ni Raja Daud. Jadi songon i ma antong mur margogo parkumpulan laho mangalo raja i jana mur mabahat ma angka na mangihut tu si Absalom.

2 SAMUEL 16:19

Boti muse, ise dope he lakna na giot sioloanku anggo nada anak ni tuanku? Songon na dung huoloi amang ni raja i, laing songon i do oloanku raja i saonnari.”

2 SAMUEL 16:21

Dialusi si Ahitofel ma, “Kehe ma raja i mandapotkon angka rading na nitadingkon ni amang ni raja i manjago bagas godang i, jana rap modom ma dohot halahi. Jadi gabe botoon ni Israel ma sude marhite pangalaho i, na dung dietong ni amanta hamu do musuna raja i. Jadi gabe mur barani ma sude angka na mangihut tu daulat i.”

MASMUR 2:2

Angka parkuaso pe rap burangkit mangalo Tuhan dohot raja na nipiliNia.

HARURUAR 1:10

Sugari masa ma porang, aropku satahi ma halahi dohot musu i, mangalo hita, dung i tinggalkonon ni halahi ma luat on. Angkon jalahanta ma dalan laho mangambati anso ulang mur tu bahatna halahi.”

PODA 21:30

Muda Tuhan mangalo ho nada adong tarbaen manolong; magopo do hapistaran, sinaloan dohot habisuhon.

JESAYA 29:15

Marjaya ma sanga ise halak na giot manabunihon tahina sian Tuhan! Marsibuni-sibuni ma halahi mambaen sibaenonna, jana ning roha ni halahi nada adong sahalak pe na marnida sanga na umboto sanga aha na nibaen ni halahi.

JESAYA 8:10

Baen ma sangkap, tapi nada marguna sudena i. Roha-rohamu ma mandokkon hata! Nada adong guna ni i sudena, angke Debata do na mandongani hami.

MATEUS 27:1

Dung torang arina i martahi ma sude angka Sintua Ni Malim dohot angka hatobangon ni halak Jahudi manontuhon sanga na bia baenon ni halahi mamunu Jesus.