2 SAMUEL 16:19 - BIBEL JAMITA NA DENGGAN

¹⁹ Boti muse, ise dope he lakna na giot sioloanku anggo nada anak ni tuanku? Songon na dung huoloi amang ni raja i, laing songon i do oloanku raja i saonnari.”

2 SAMUEL 16:19 ပူးပေါင်းရင်းမြစ်များ

2 SAMUEL 15:34

Hape tarurupi ho do au, sugari mulak ho tu kota. Jana dokkon ma tu si Absalom, na giot oloanmu ia burju, songon pangoloimu di amangnia na salpu i. Songon i noma dalanna baenonmu anso tarbaen ho mangalo sude sipaingot ni si Ahitofel.

2 SAMUEL 16:18

Dialusi si Husai ma, “Bia ma pambaen ni i! Anggo au mamihak tu halak na nipili ni Tuhan do, na nipili ni angka halak on, dohot sude halak Israel. Ia do nampuna au jana ia do ihutkononku.

2 SAMUEL 16:20

Dung i didok si Absalom ma tu si Ahitofel, “Paboa ma sanga aha sipatupaonta.”

MASMUR 55:21

Lambok ni hatania mangapus pusu-pusu, hape rohania gok hagigian. Pangkataina maradu lambok, hape manorusi songon podang na tajom.

GALATIA 2:13

Dohot muse ma angka halak Jahudi na asing i mangalancap songon pangalaho ni si Petrus i; gabe tarela-ela muse ma salang si Barnabas laho mangalancap-lancap songon halahi i.

1 SAMUEL 28:2

Dialusi si Daud ma, “Tontu songon i ma antong i. Idaon ni tuan i sandiri ma i sanga aha na tarbaen au tu tuan i.” Dung i didok si Akhis ma, “Antong denggan! Huangkat ma ho gabe pangawalku.”

1 SAMUEL 29:8

Dialusi si Daud ma, “Aha dehe hasalaan na hubaen, tuannami? Muda songon na nidok ni tuan i do, na so adong dapot tuan i hasalaan di au mamungka huoloi tuan i lopus tu hatiha on, biasi nada dipatola au marporang mangalo musu ni raja i lakna?”