Di na lalu si Daud tu ambubu ni dolok i, tu inganan paribadatan ni halak tu Tuhan, dialo-alo dongannia na burju ma ia, i ma si Husai halak Arki. Masibak do pakean ni si Husai jana ulunia pe dibaen abuan.
Hape tarurupi ho do au, sugari mulak ho tu kota. Jana dokkon ma tu si Absalom, na giot oloanmu ia burju, songon pangoloimu di amangnia na salpu i. Songon i noma dalanna baenonmu anso tarbaen ho mangalo sude sipaingot ni si Ahitofel.
Laing sadari on do dihaulkon ia bahat biri-biri, lombu jantan dohot anak ni lombu angka na mokmok. Sude anak ni raja i madung diontang ia, dohot do si Joab, panglima ni tentara ni raja i dohot Malim Abyatar. Baru dope halahi marpesta dohot ia, lalu marsurak-surak mandok: ‘Horas ma di Raja Adonia!’
Dung i dioban si Joyada ma si Joas tu ruar, mamake tuku di uluna i, jana dilehen ia tu si Joas tona ni Debata. Diangkat ma si Joas gabe raja jana dibaen ma boa-boana tu rayat. Martopapi ma rayat jana marsurahi, “Horas ma di raja i!”
Umbege pangangguk ni raja i dohot angka halak na godang-godang i, masuk ma inang ni raja i tu bagasan parpestaan i. Dung i didok ia ma, “Mangolu ma da raja i sapanjangna! Dipasonang raja i ma jolo roha ni raja i jana ulang pola langan.
Disi lalu tu inganan i, pio-pio ma ia marsora songon na ganggu tu si Daniel, “Naposo ni Debata na mangolu. Tarpalua Debata na nioloanmi dehe ho sian angka singa i?”
Mamungka ma marsurahi halak na mardalan di jolo dohot na di pudi ni Jesus. Ninna halahi ma, “Hosana ma di Anak Ni si Daud! Dipasupasu ma Ia na ro di bagasan goar ni Tuhan! Puji ma Debata Na Gumincat i!”
Dung i mandok hata ma si Samuel tu rayat i, “Ligi hamu ma halak na nitodo ni Tuhan, nada adong bandinganna sian hita sudena.” Marsurak ma sude bangso i, “Horas ma di raja i!”