2 SAMUEL 16:12 - BIBEL JAMITA NA DENGGAN

¹² Betak na parrohahonon ni Tuhan do pardangolankon jana pasupasuonNia au gonti ni bura i.”

2 SAMUEL 16:12 ပူးပေါင်းရင်းမြစ်များ

2 SAMUEL 16:13

Dung i dipatorus si Daud dohot angka parpangkat i ma pardalananna, jana si Simei pe sarupa do hipas ni pardalannia dohot halahi manopi-nopi dolok i, dipupu ia mamurai dohot mandanggurkon batu dohot tano.

2 RAJA-RAJA 19:4

Madung disuru raja Asur parpangkat na gincat laho pabilehon Debatanta na mangolu i. Nada binoto betak na ditangihon Tuhan Debatamu do habilean i jana uhumanku halahi na mandokkon i. Hara ni i, tangiangkon ma jolo tu Debata angka halak hita na mangolu i dope.”

MASMUR 10:14

Tapi ale Debata diida Ho do parkancitannami, jana tontu do tolonganMu hami. Halak na so margogo pasahatkon tu Ho dirina sudena, Ho do na mangurupi na so marama so marina.

MASMUR 109:28

Haru pe diburai halahi au, tapi laing dipasupasu Ho do au. Padiar ma alongki ditaluhon, tapi anggo au, naposoMon, sai dipamoga ma nian.

MASMUR 132:1

O Tuhan, ingot ma si Daud dohot sude pardangolannia.

MASMUR 25:18

Ligi ma pardangolan dohot hasompitanku, jana sesa ma sude dosangku.

PODA 25:22

Marhite na songon i gabe maila ma ia dibaen ho jana pasupasuon ni Tuhan ma ho.

PODA 26:2

Songon unggas na habang di awang-awang jana hum na mamolus sajo, nada tarbaen hona bura halak muda na so marsala do.

JESAYA 27:7

Jabat dehe songon borat ni uhum tu angka bangso na asing i panguhumi ni Tuhan di bangso Israel? Sanga songon bahat ni musu na mate bahat ni halak Israel na mate?

JOEL 2:14

Betak na muba do tehe roha ni Tuhan Debatamu, jana marlobi-lobi pasupasuNa di hamu. Gabe tarbaen hamu manghaulkon tu Tuhan, haul anggur dohot gandum.

SURAT NI SI PAULUS TU PARLAGUTAN ROM 8:28

Taboto do, Debata do na mangatur sasudena, anso gabe manjalak tu dengganna di angka halak na mangkaholongi Ia jana na nipiohonNia hombar tu sangkapNia.

2 KORINTUS 4:17

Jana anggo hasusaan na so sadia on na hami taon santongkin, lehenon ni i do di hami hasangapan na so tarsuhat jana na manongtong. Dao dope gumodang hasangapan i sugari nipartimbangkon tu hasusaan i sandiri.

PANGARATAION 23:5

Hape nada ra Tuhan Debatamunu manangihon si Bileam. Mur dipabalik Tuhan noma bura i gabe pasupasu, hara ni holong ni rohaNia di hamu.

PANGARATAION 23:6

Salolot marrumangkon sada bangso hamu, ulang dicubo-cubo hamu mangurupi angka bangso i sanga mambaen sonang halahi.

2 TESSALONIKA 1:7

Jana tu hamu angka na manjagit sitaonon saonnari – laing songon i muse tu hami – lehenon ni Debata ma halumbangan muda dung tarida Tuhan Jesus mijur sian banua ginjang rap dohot angka surusuruanNia na markuaso i

IBRANI 12:10

Marhatiha do pangajaran ni natorasta na di tano on tu hita, hombar tu na denggan na niboto ni halahi. Tapi anggo Debata, diajari do hita laho padenggankon hita, anso gabe badia hita rap dohot Ia.

1 SAMUEL 1:11

Dung i didok si Hanna ma janji, “O Tuhan Na Markuaso, parrohahon ma naposoMon! Ligi ma pardangolankon. Ingot ma jana ulang halupahon au! Muda dilehen Ho di au sada anak halaklahi, marjanji ma au mangalehensa tu Ho salolot ia mangolu, jana obukna pe nada unjung tola gotapon.”