2 SAMUEL 16:10 - BIBEL JAMITA NA DENGGAN

¹⁰ Tapi didok raja i ma tu si Abisai dohot si Joab angkangna i, “Ulang antoi hamu. Padiar hamu sajo ma ia mamurai au. Harana betak na Tuhan do na marsuru ia ise ma na patut manyapai ia sanga na hara ni aha dibaen ia songon i?”

2 SAMUEL 16:10 ပူးပေါင်းရင်းမြစ်များ

PAMUNGKAAN 50:20

Haru pe na dung satahi hian hamu laho mambaen na jat tu au, hape diuba Debata do hajahatan i gabe tu hadengganan, anso marhaluaan bahat halak na mangolu saonnari markite-hite pangalaho na masa na salpu i.

2 SAMUEL 19:22

Tapi mangkuling ma si Daud tu si Abisai dohot si Joab, mandok, “Ulang manganto-antoi hamu. Biasi arsahanmunu au? Di ari sadari on mulak au gabe raja di Israel, jana nada adong tola halak Israel na mate hona uhum.”

2 SAMUEL 19:23

Dung i didok raja i ma tu si Simei, “Au ma mandok, na so mate hona uhum ho.”

2 SAMUEL 3:39

Haru pe au on raja na nipili ni Debata, gale do pangkilalaanku sadari on. Makejamtu do angka anak ni si Zeruya on. Inda tuk gogongku mangatasi halahi. Sai Tuhan ma na manguhumi angka parjahat on, marguru tu pambaenan ni halahi i!”

1 RAJA-RAJA 17:18

Jadi didok na mabalu i ma tu si Elia, “O naposo ni Debata, biasi ma he angkon ro ho amang tuson jana i ma mambaen tarsunggul Debata di dosangku umbaen lopus mate anakki?”

1 RAJA-RAJA 2:5

“Adong sada nari! Tontu diingot ho dope na nibaen ni si Joab tu au di na nibununia dua kapala ni tentara ni Israel, i ma si Abner anak ni si Ner dohot si Amasa anak ni si Jeter. Dibunu ia halahi di hatiha dame, mambaloskon pamunuon na nibaen ni halahi hatiha porang. Dibunu ia do halak na so marsala, gabe au do manaon na hancit hara ni pambaenan ni halahi.

2 RAJA-RAJA 18:25

Na diambang hamu do lakna hami porangi hamu jana hami taluhon so pola dohot pangurupion ni Tuhan? Tuhan sandiri do marsuru hami mamorangi dohot mangaroncohon hamu!”

JOB 9:12

Muda mangarampasi Ia, ise ma he na puluk mangararang Ia? sanga na barani marsapa, ‘Na mambaen bia do Ho?’

MASMUR 39:9

Hohom noma au, nada be dokkononku bagi aha, angke Ho na mambahen sitaononki.

PARJAMITA 8:4

Mardongan sahalana do raja di tindakanna; nada adong na puluk manggagaisa!

ANDUNG 3:37

Hum hagiot ni Tuhan sajo do na giot mardalan;

DANIEL 4:35

Nada adong astuan ni bangso na di portibi on. Dirajai Debata do surusuruan na di banua ginjang dohot jolma na di tano on. Sahalak pe nada adong tarbaen mangalo hagiotNia, nada adong na puluk manyapai sanga aha na nibaenNia.

MATEUS 16:23

Tapi humusor ma Jesus manaili tu si Petrus, didok Ia ma, “Morot ho sian on, Sibolis! Gabe batu partuktuhan do ho di Au. Pikiran ni jolma do pikiranmi! Inda pikiran ni Debata na songon i!”

MATEUS 8:29

Jadi marsurak ma halahi na dua ninna halahi ma, “O, Anak Ni Debata, na giot bia do baenonMu hami? Betak na giot siksaonMu ma hami? Na he nada dope dapot hatihana?”

JOHANNES 18:11

Didok Jesus ma tu si Petrus, “Sarungkon ma podangmi, nada he angkon inumonKu do panginuman parkancitan na nilehen ni Damang i tu Au?”

SURAT NI SI PAULUS TU PARLAGUTAN ROM 9:20

Ise ma he hamu ale jolma, umbaen na dialo hamunu Debata? Bisa ma he na ditopa mandok tu na manopana, “Biasi dehe ditopa ho au gabe songon i?”

1 PETRUS 2:23

Di na hona incak Ia, nada mangincahi Ia mambaloskon. Dompak na niparkancitan i Ia, nada mangondam Ia; tapi dipasahat Ia do parkaroNia i tu Debata, Panguhum na tigor i.

1 SAMUEL 26:19

Tangihon jolo rajanami elek-elekhon. Sugari sura Tuhan na mangelek raja i anso mamunu au, sada haul pe nihaulkon tuSia, mombun ma rimasNia tu au. Tapi sugari sura jolma na manyosoi raja i jolma na tutu, sai hona bura ni Tuhan ma i! Hara ni pangalaho ni halahi, gabe hona usir ma au sian tano na nijanjihon ni Tuhan jana disuru morot tu luat na asing disi ma au angkon mamele tu angka debata na asing.