2 SAMUEL 16:1 - BIBEL JAMITA NA DENGGAN

¹ Hum salpu si Daud manganangkohi ambubu ni tor i, ompot ma ro si Ziba, pangoloi ni si Mefiboset i mandapotkon ia maroban sapasang halode na dibobani dohot roti dua ratus kamata, saratus ranting anggur na mahiang, saratus holting angka parbatu na rata dohot sakantongan aek ni anggur.

2 SAMUEL 16:1 ပူးပေါင်းရင်းမြစ်များ

2 SAMUEL 15:30

Dung salpu i, dibuka si Daud ma sipatunia. Manangkok ma ia dohot halahi sude lalu tangis di Dolok Zetun, jana martujung-tujung ulu ni halahi tanda ni arsak ni roha.

2 SAMUEL 15:32

Di na lalu si Daud tu ambubu ni dolok i, tu inganan paribadatan ni halak tu Tuhan, dialo-alo dongannia na burju ma ia, i ma si Husai halak Arki. Masibak do pakean ni si Husai jana ulunia pe dibaen abuan.

2 SAMUEL 19:17

Adong do saribu halak dongannia halak Benyamin. Jana si Ziba pe, naposo ni keluarga ni si Saul, dohot anaknia na lima bolas halak dohot naposonia ro do tu Batang aek Jordan mandapotkon raja i.

2 SAMUEL 19:32

Ma matobang situtu si Barsilai, ma pola marumur ia salapan pulu taon. Na kayo situtu do ia jana salolot maringanan di Mahanaim raja i najolo, si Barsilai ma na paradehon sipanganon di raja i.

1 JUJUR TAON 12:40

Sian angka marga na dao di Utara, i ma Marga Isakar, Zebulon dohot Naftali marroan be ma marobani sipanganon: topung, batu ni ara, kismis, anggur dohot miak zetun. Halode ma dibaen marobansa dohot unto, bagal dohot lombu. Laing maroban lombu do halahi dohot biri-biri sisambolon baen panganon. Sudena i pataridahon jop ni roha ni rayat i ma di Israel sudena.

PODA 18:16

Muda mangadop iba tu sahalak na sangap, obanon do silehen-lehen anso momo pasuo.

JEREMIA 40:10

Au sandiri maringanan di Mispa do, jana au ma da mangwakili hamu muda pala sai ro angka halak Babel i tuson. Tola do hamu palagutkon dohot manyimpan anggur, buah-buahan dohot miak zetun, dohot maringanan di angka kota siingananmunu.”

JEREMIA 40:12

Jadi ditadingkon halahi be ma angka inganan parserahan ni halahi, kehe ma halahi tu Juda. Didapotkon halahi ma si Gedalya di Mispa, jana dipalagut halahi ma anggur dohot buah-buahan bahat sajo.

AMOS 8:1

Dapotan parnidaan muse ma au sada nari sian Tuhan Debata i. Huida ma sada karanjang na marisi parbatu na malamun.

MIKA 7:1

Marjaya ma au! Harana parngoluonku songon dompak papunguhon batu ni anggur di ari logo, songon dompak painte masa parbatu ni anggur, nada adong anggur na giot sipanganon, dohot parbatu ni ara na huhajopkon.

1 SAMUEL 10:3

Didok si Samuel dope, “Sian i mardalan ma ho torus lalu tu hayu haruaya na di Tabor. Adong ma disi tolu halak bayo na giot mandapotkon ho. Na giot kehe tu Betel do halahi laho manghaulkon haul tu Debata. Na sada manogu tolu anak ni hambeng, na sada maroban tolu kamata roti jana sahalak nari maroban kantongan kulit na marisi anggur.

1 SAMUEL 16:20

Dung i dibuat si Isai ma halode, dibobani ia ma i dohot sada anak ni hambeng, roti dohot kantongan kulit na gok anggur. Dilehen ia ma i sude tu si Daud anso dipasahat tu si Saul.

1 SAMUEL 25:18

Jadi manigor dibuat si Abigail ma dua ratus roti, dohot dua gunsi anggur, dilompa ma lima biri-biri, dibuat ma lima harung gandum na disaok, saratus kue kismis dohot dua ratus kue ara. Dipaboankon ma sudena i di ginjang ni halode.