2 SAMUEL 15:8 - BIBEL JAMITA NA DENGGAN

⁸ Harana dompak na di Gesur na di Siria i au maringanan, marjanji do au tu Tuhan mandok, muda dipaloas Tuhan au mulak tu Jerusalem, angkon kehe do au maribadat tuSia di Hebron.”

2 SAMUEL 15:8 ပူးပေါင်းရင်းမြစ်များ

2 SAMUEL 14:23

Dung i kehe ma si Joab tu Gesur mangalap si Absalom mulak tu Jerusalem.

2 SAMUEL 14:32

Dialusi si Absalom ma, “Hara ni na so ra i do ho ro di na husuru pio i. Na giot suruonku do ho nian mangadop tu raja i laho palaluhon sapa-sapangkon. ‘Aha do gunana morot au sian Gesur di na ro au tuson? Gumonan hian do laing disi au.’ ” Dung i dipaudut si Absalom ma, “Usahahon ma anso tarbaen au mangadop tu raja i, jana muda laing na marsala dope au, rade do au mate hona uhum.”

2 SAMUEL 15:9

Dialusi raja i ma, “Antong kehe ma ho.” Dung i kehe ma si Absalom tu Hebron.

2 SAMUEL 3:3

Si Kileab. Inangna si Abigail tading-tadingan ni si Nabal na sian Karmel. Si Absalom. Inangna si Maaka boru ni Raja Talmai sian Gesur.

MASMUR 56:12

Patulusonku ma janjingku tu Ho, ale Debata haulkononku tu Ho haul hatarimakasion.

PARJAMITA 5:4

Jadi muda marjanji ho tu Debata, sigop ma ho patuluskon i. Nada dihagioti rohaNia jolma na bodo pangalahona. Antong patulus ma janjimu.

JESAYA 28:15

Maginjang ma rohamunu hara ni na dung mambaen parjanjian dohot hamatean dohot na dung satahi hamu dohot kuburan. Madung pasti di pangkilalaanmunu na so hahuaon ni parmaraan na giot ro i be hamu, umbaen na mamake tipu akal hamu laho manjagohon dirimunu.

JEREMIA 42:20

na dung mambaen hasalaan na godang do hamu. Dipangido hamu anso martangiang au tu Tuhan Debatanta i salaho tu hamu, jana marjanji do hamu laho patuluskon sude na nidok ni Tuhan i.

JOSUA 24:15

Sugari sura nada ra hamu mangoloi tu Tuhan, laing sadari on ma baen hamu haputusanna, sanga na tu ise do giotmunu mangoloi: Tu angka debata na nisomba ni ompumunu najolo di Mesopotamia, sanga tu angka debata ni halak Amori na niingananmunu tanona saonnari do. Tapi anggo hami – au dohot dongan sabagasku – hum Tuhan do oloannami.”

1 SAMUEL 1:11

Dung i didok si Hanna ma janji, “O Tuhan Na Markuaso, parrohahon ma naposoMon! Ligi ma pardangolankon. Ingot ma jana ulang halupahon au! Muda dilehen Ho di au sada anak halaklahi, marjanji ma au mangalehensa tu Ho salolot ia mangolu, jana obukna pe nada unjung tola gotapon.”

1 SAMUEL 16:2

Tapi disapai si Samuel ma, “Bia dehe pambaenku disi. Muda tarbege pangalaho i tu si Saul, pasti bunuonnia au!” Dialusi Tuhan ma, “Oban ma sada lombu jara-jara jana dokkon ma tu rayat i, umbaen na ro pe ho tusi na laho manghaulkon haul tu Tuhan do.