2 SAMUEL 15:32 - BIBEL JAMITA NA DENGGAN

³² Di na lalu si Daud tu ambubu ni dolok i, tu inganan paribadatan ni halak tu Tuhan, dialo-alo dongannia na burju ma ia, i ma si Husai halak Arki. Masibak do pakean ni si Husai jana ulunia pe dibaen abuan.

2 SAMUEL 15:32 ပူးပေါင်းရင်းမြစ်များ

2 SAMUEL 1:2

ancogotna i ro ma sada doli-doli sian parbandaran ni si Saul. Songon na marsiluluton, disibakkon ia do pakeannia jana dibaen ia tano di ulunia. Kehe ma ia mandapotkon si Daud jana manungkap di jolonia.

2 SAMUEL 13:19

Dung i disaburkon si Tamar ma abu tu ulunia, disibak ia baju jubania i, jana kehe ma ia diholipi ia bohinia dohot tangannia dua-dua lalu tangis-tangis.

2 SAMUEL 15:30

Dung salpu i, dibuka si Daud ma sipatunia. Manangkok ma ia dohot halahi sude lalu tangis di Dolok Zetun, jana martujung-tujung ulu ni halahi tanda ni arsak ni roha.

2 SAMUEL 16:1

Hum salpu si Daud manganangkohi ambubu ni tor i, ompot ma ro si Ziba, pangoloi ni si Mefiboset i mandapotkon ia maroban sapasang halode na dibobani dohot roti dua ratus kamata, saratus ranting anggur na mahiang, saratus holting angka parbatu na rata dohot sakantongan aek ni anggur.

2 SAMUEL 16:15

Jadi di hatiha i ma si Absalom dohot sude halak Israel na mangihutkon ia masuk tu Jerusalem, jana dohot do si Ahitofel.

2 SAMUEL 17:5

Tapi haru songon i pe didok si Absalom dope, “Saonnari dipio jolo si Husai; tole tabege pandapotnia.”

1 RAJA-RAJA 11:7

Di ginjang ni dolok na di Habincaran ni Jerusalem i, dipajongjong ia do inganan parsombaan tu Kamos, debata ni Moab dohot tu Molok debata ni bangso Amon – na nihagigihon do debata na dua i.

1 JUJUR TAON 27:33

Si Ahitofel pe panuturi ni raja do i jana si Husai halak Arki i, ale-ale ni raja i.

MASMUR 3:7

Palua ma da au ale Tuhan Debatangku, uhumi jana taluhon ma sude angka musungku.

MASMUR 50:15

Muda ro hasusaan, pio-pio ma ho tu Au paluaonKu ma ho, jana pujionmu ma Au.”

MASMUR 91:15

Muda pio-pio ia tu Au, alusanKu ma ia. Dompak masa hasusaan, urupanKu do ia, paluaonKu jana lehenonKu ma hasangapan disia.

LUKAS 19:29

Dung marayak Betpage dohot Betania na di Dolok Zetun, disuru Ia ma parjolo dua halak siseanNia.

JOSUA 16:2

Sian Betel, torus ma garis i tu Lus manyalpui Atarot, i ma inganan ni angka halak Arki.

1 SAMUEL 4:12

Marlojong ma sahalak Marga Benyamin sian galanggang parporangan i tu Silo jana laing di na sadari i do ia lalu disi. Jana songon tanda ni arsak ni roha, disibak-sibak ia pakeannia jana dibaen ia tano di ulunia.