2 SAMUEL 15:31 - BIBEL JAMITA NA DENGGAN

³¹ Di na dipaboa tu si Daud na dohot muse si Ahitofel rap dohot si Absalom, martangiang ma si Daud, songon on, “O ale Tuhan, sugari disundati Ho ma nian sipaingot ni si Ahitofel!”

2 SAMUEL 15:31 ပူးပေါင်းရင်းမြစ်များ

2 SAMUEL 15:12

Jadi dompak na manghaulkon haul si Absalom, laing disuru ia muse ma utusan tu kota Gilo laho marpio si Ahitofel, i ma sada sian panuturi ni Raja Daud. Jadi songon i ma antong mur margogo parkumpulan laho mangalo raja i jana mur mabahat ma angka na mangihut tu si Absalom.

2 SAMUEL 16:23

Anggo di hatiha i, sude sipaingot ni si Ahitofel dijagit do i songon dia hata ni Debata sandiri; si Daud bope si Absalom mangihut do di angka sipaingotnia.

2 SAMUEL 17:14

Umbege i didok si Absalom dohot halak Israel i ma sude, “Dumenggan do na nidok ni si Husai on sian sipaingot ni si Ahitofel i.” Tutu ma antong na dung diputuskon Tuhan laho manyundati sipaingot ni si Ahitofel na denggan i, anso marmara si Absalom.

2 SAMUEL 17:23

Dung diida si Ahitofel na so diihutkon hatania i, dipasang ia ma palano ni halodenia, lalu mulak ma ia tu kotania sandiri. Dung dipasidung ia sude urusannia, manyingkot ma ia lalu ditanom di kuburan ni halahi sahorong.

2 SAMUEL 17:5

Tapi haru songon i pe didok si Absalom dope, “Saonnari dipio jolo si Husai; tole tabege pandapotnia.”

2 SAMUEL 17:7

Dialusi si Husai ma, “Anggo sanoli on, nada denggan usul ni si Ahitofel i.

JOB 5:12

Dipaudut ia sangkap ni halak na bisuk, tardapot, tartangkup dibaen ia halak na lingkas, gabe sundat sude tahi ni halahi, tarpaoto dalanna dibaen akalna sandiri.

MASMUR 109:3

Dipardokkoni halahi do angka na patubu hosom jana diporangi halahi au haru so adong dalanna.

MASMUR 3:1

Ale Tuhan, na sun ma antong bahatna angka musu na mangaroro iba.

MASMUR 41:9

Salang ale-aleniba na umdonok pe antong, halak na mangan rap dohot iba, madung mangalo tu iba.

MASMUR 55:10

Arian dohot borngin do halahi manghaliangisa, hajahatan dohot mara do marroha-roha di bagasanna.

MASMUR 55:12

Sugari musu na manggorahon au, laing tahan dope da au. Sugari musu na manilakoi au, laing tarbaen au dope sian ia martabuni.

JESAYA 19:3

SundatanKu ma angka sangkap ni Mesir jana manderse halahi baenonKu. Pangidoon ni halahi ma pangurupion tu angka gana-ganaan, mangido piruang dohot panogu-noguon tu angka datu dohot angka tondi.

JESAYA 44:25

Hupaoto-oto angka pangaramal, Husursari ramalan ni panjujur nasib. Husungkar angka na nidok ni na malo marhata, Hupatanda na sala habisuhanna.

JOHANNES 13:18

“Nada tu hamu sudena na Hudokkon on. Huboto do sanga ise na dung Hupili. Tapi angkon laing tarjadi do sanga aha na tarsurat di Buku Na Badia i; songon on do tarsurat disi, ‘Sanga ise na mangan rap dohot Au, i ma ibana na giot mangalo Au.’

1 KORINTUS 1:20

Di dia dehe angka na bisuk i? Di dia dehe angka Siboto Surat i? Di dia dehe angka pangalo na sian portibi on? Nada he madung dibaen Debata habisuhon ni portibi on gabe hatoon?

JAKOBUS 3:15

Nada habisuhon na ro sian banua ginjang anggo habisuhon na songon i, sian portibi on do i, sian hagiot ni jolma, karejo ni setan do i!